Jarðskjáltar um víða veröld

  • Fri 06:11:44 (UTC) 4.3,New Zealand - Details
  • Fri 06:01:43 (UTC) 3.4,28 km of Haji abad, Horm.. - Details
  • Fri 04:55:57 (UTC) 4.7,Java, - Details
  • Fri 04:43:31 (UTC) 3.7,Northern Sumatra, - Details
  • Fri 04:26:30 (UTC) 4.4,Xizang-yunnan Border Reg.. - Details
  • Fri 02:46:13 (UTC) 3.1,74 km N of Brenas, Puert.. - Details
  • Fri 02:32:25 (UTC) 3.4,Crete, - Details
  • Fri 02:08:05 (UTC) 4.1,Java, - Details
  • Fri 02:04:43 (UTC) 3.0,10 km NW of Stanley, Ida.. - Details
  • Fri 02:01:00 (UTC) 3.1,010 km N 28° E of Pio V.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Tjörnesbrotabeltið

Snarpir jarðskjálftar úti fyrir Eyjafirði – Sá stærsti M 5,6 – Óvissustigi lýst yfir

Skjálftarnir úti fyrir Eyjafirði.  Myndin er fengin af vef Veðurstofu Íslands. (http://eldgos NULL.is/wp-content/uploads/2020/06/tjornes20jun2020 NULL.jpg)

Skjálftarnir úti fyrir Eyjafirði. Myndin er fengin af vef Veðurstofu Íslands.

Snörp jarðskjálftahrina hófst um 20 km. norðaustur af Siglufirði uppúr hádegi í gær föstudaginn 19. júní.  Mikið bætti svo í hrinuna í dag og mældist stærsti sjálftinn M 5,3 og fannst hann víða á Norðurlandi, frá Blönduósi til Húsavíkur.  Snarpastur var hann í grennd við Siglufjörð og Ólafsfjörð.  Ekki er vitað um tiltakanlegt tjón.  Skjálftar af þessari stærð geta auðveldlega valdið hruni úr fjöllum  og það er kanski helsta hættan á þessu svæði.

UPPFÆRT:  KL. 19:26 VARÐ SKJÁLFTI SEM ER TALINN VERA M 5,6 AF STÆRÐ.

Almannavarnir hafa lýst yfir óvissustigi, ekki síst vegna hættu á stærri skjálftum en á þessu svæði er mikið af misgengjum og óvíst hvaða áhrif skjálftarnir geta haft á þau.  Mjög stórir skjálftar eru þekktir úr sögunni á þessu svæði, jafnvel yfir M 7 en slíkur skjálti er um 20 sinnum öflugri en sá sem varð í dag.

Skjálftarnir eru á Tjörnesbrotabeltinu sem er er tvískipt auk minna hliðarbeltis.  Nyrðra beltið er venjulega mun virkara en það liggur frá Grímseyjarsundi inn yfir Axarfjörð. Það er þó syðri hlutinn sem er að hristast núna.  Lítil sem engin eldgosahætta er talin vera á þessu svæði þó dæmi séu um gos úti fyrir Norðurlandi, þau eru þó fá á sögulegum tíma.

Reikna má með að áfram skjálfi á svæðinu enda eiga skjálftahrinur á Tjörnesbrotabeltinu það til að vera nokkuð þrálátar og geta varað með einhverjum hléum vikum saman.  Það er væntanlega ein ástæða þess að lýsti hefur verið yfir óvissustigi.

Þessi hrina líkist mjög hrinu sem varð á sömu slóðum í september og október 2012 en þá varð einmitt skjálfti upp á M 5,6.  Lesa má um þá skjálfta hér  (http://eldgos NULL.is/snarpir-jardskjalftar-nordur-af-siglufirdi/) og  hér (http://eldgos NULL.is/hardir-jardskjalftar-uti-fyrir-nordurlandi/)

UPPÆRT 24. JÚN KL 01:20

ELDGOS.IS LÁ NIÐRI UM HELGINA VEGNA TÆKNIÖRÐUGLEIKA EN Á MEÐAN VARÐ STÆRSTI SKJÁLFTINN HINGAÐ TIL Í ÞESSARI  HRINU, M 5,8.  HRINAN HEFUR HALDIÐ ÁFRAM UNDANFARNA DAGA OG ENN ER HÆTTA Á STÆRRI SKJÁLFTUM.

Öflug og þrálát jarðskjálftahrina við Kópasker

Upptök skjálfta nærri Kópaskeri síðustu sólarhringa (http://eldgos NULL.is/wp-content/uploads/2019/03/tjornes28mars2019 NULL.jpg)

Upptök skjálfta nærri Kópaskeri síðustu sólarhringa.  Myndin er fengin af vef Veðurstofu Íslands.

Jarðskjálftahrina sem hefur verið í gangi síðustu sólarhringa skammt Suðvestur af Kópaskeri hefur færst í aukana síðasta sólarhringinn.  Hátt í 1000 skjálftar hafa mælst í hrinunni og þeir stærstu um og yfir M 4.  Skjálftarnir finnast vel á Kópaskeri og í nágrenni.  Skjálftasvæðið tilheyrir Tjörnesbrotabeltinu þar sem skjálftar eru algengir og í sjálfu sér ekkert óvanalegt við hrinuna.  Hinsvegar þarf að hafa í huga að á þessu svæði geta orðið mjög stórir skjálftar samanber Kópaskersskjálftann árið 1976 sem mældist rúmlega M 6.  Sá skjálfti tengdist gos- og rekhrinu á Kröflusvæðinu en nú er ekkert slíkt í gangi en samt aldrei hægt að útiloka stóran skjálfta.

Hrinan sem nú er í gangi hefur verið öflug og síður en svo að draga úr henni þegar þetta er skrifað.

Snarpir skjálftar við Grímsey

Upptök skjálfta nærri Grímsey síðustu sólarhringa. Myndin er fengin af vef Veðurstofu Íslands. (http://eldgos NULL.is/wp-content/uploads/2018/02/Tjornes15feb18 NULL.jpg)

Upptök skjálfta nærri Grímsey síðustu sólarhringa. Myndin er fengin af vef Veðurstofu Íslands.

Jarðskjálftahrinan sem hófst í lok janúar NA af Grímsey hefur færst mikið í aukana síðastliðinn sólarhring.  Skjálftarnir eru margir og þéttir.  Stærsti skjálftinn mældis M 4,1.  Jarðfræðingar útiloka ekki frekari tíðindi en þá er verið að tala um stóran jarðskjálfta frekar en eldgos sem eru fátíð á þessum slóðum.

Tjörnesbrotabeltið er hinsvegar fært um að framkalla jarðskjálfta allt að stærð M 7 og er orðið all langt síðan slíkur skjálfti hefur orðið.  Það sem einkennir oft hrinur á þessum slóðum er að þær geta verið nokkuð langvarandi og færast gjarnan í aukana eftir því sem líður á þær. Það er einmitt tilfellið með hrinuna núna.

Þetta svæði er sniðreksbelti sem tilheyrir Tjörnesbeltinu.  Þá er einnig vitað um jarðhitavirkni á þessu svæði þannig að talsverð umbrot eru viðvarandi á þessum slóðum.

UPPFÆRT 19.FEBRÚAR

Mikill kraftur hljóp í jarðskjálftahrinuna snemma að morgni 19.febrúar.  Hafa vel á annað þúsund skjálfta mælst síðustu sólarhringa og stærsti skjálftinn mældinst M 5,2.  Er þetta orðin öflugasta jarðskjálftahrina á Grímseyjarsvæðinu í 30 ár.

Mælingar benda ekki til kvikuhreyfinga. Þessir skjálftar tengjast flekahreyfingum.

Skjálftavirkni úti fyrir Norðurlandi

Tjörnesbrotabeltið (http://eldgos NULL.is/wp-content/uploads/2012/09/tjornesbelti_kort NULL.jpg)Nokkur virkni hefur verið á Tjörnesbrotabeltinu undanfarna sólarhringa með skjálftum upp undir M 4 af stærð.  Stærsti skjálftinn, M 3.7 varð um 8 km NNV af Gjögurtá aðfaranótt sunnudags en sólarhring áður hafði orðið skjálfti upp á M 3.4 skammt norðaustur af Grímsey.  Tjörnesbrotabeltið er í raun þrjú stór misgengi.  Í þessu tilviki er virknin á tveimur þeirra en það gerist alloft að fleiri en eitt misgengi eru virk samtímis.  Skjálftar eru algengir á þessum slóðum og standa hrinurnar oft vikum saman.  Af og til verða mjög öflugar hrinur á þessum slóðum. Þannig mældust skjálftar vel yfir M 5 árin 2012 og 2013 en síðan hefur verið heldur rólegra á svæðinu.

Meðfylgjandi mynd sem fengin er af vef Veðurstofu Íslands sýnir vel hvernig misgengin á Tjörnesbrotabeltinu liggja og upptöks skálfta þar.  Hringir utan um ártöl segja til um stærstu skjálfta sem orðið hafa á svæðinu en sumir þeirra hafa náð M 7 af stærð t.d. Skagafjarðarskjálftinn árið 1963.

Jarðskjálftahrina í Öxarfirði

Jarðskjálftar í Öxarfirði.  Myndin er fengin af vef Veðurstofu Íslands. (http://eldgos NULL.is/wp-content/uploads/2016/01/tjornes15jan16 NULL.jpg)

Jarðskjálftar í Öxarfirði. Myndin er fengin af vef Veðurstofu Íslands.

Undanfarna sólarhringa hefur staðið yfir smáskjálftahrina í Öxarfirði.  Upptakasvæðin eru tvö, annarsvegar um 10-12km VNV af Kópaskeri og svo aftur um 30 km VNV af Kópaskeri, líklega þó á sömu sprungunni á Tjörnesbrotabeltinu.  Fjöldi smáskjálfta er kominn yfir 200 en aðeins einn hefur mælst yfir M3 enn sem komið er.   Hér er um brotaskjálfta að ræða og tengjast ekki kvikuhreyfingum eða eldvirkni.

Stórir skjálftar eru þó alþekktir á þessu svæði, svo vill til að fyrir réttum 40 árum, þann 13.janúar 1976 varð skjálfti á þessum slóðum sem mældist rúmlega M6 og olli miklum skemmdum á Kópaskeri og í nágrenni.

Árin 2012 og 13 urðu öflugar hrinur á Tjörnesbrotabeltinu en þær urðu Eyjafjarðarmegin á beltinu.

Jarðskjálftahrinur á þessum slóðum eiga það til að vera þrálátar og standa jafnvel vikum saman með hléum þannig að þessi hrina gæti vel undið uppá sig.

Kvikuinnskot í Eyjafjarðarál ?

Skjálftar úti fyrir Norðurlandi (http://www NULL.eldgos NULL.is/wp-content/uploads/2013/09/tjornes30sept2013 NULL.jpg)Margt bendir til þess að kvikuinnskot undir Eyjafjarðarál orsaki mikinn fjölda smáskjálfta sem þar hafa mælst undanfarna daga.  Þessi mikli fjöldi tiltölulega lítilla skjálfta, allir undir M3 af stærð, er óvenjulegur en ætla mætti að stærri skjálftar fylgdu með.  Þeir  hafa hinsvegar ekki orðið.  Skjálftarnir eru ennfremur á nokkuð afmörkuðu svæði og meirihluti þeirra á 10-12 km dýpi sem bendir til kvikuinnskots eins og fram kom í viðtali við jarðeðlisfræðing í hádegisfréttum Rúv í dag.

Öflugar jarðskjálftahrinur hafa orðið undanfarin misseri á brotabeltunum úti fyrir Norðurlandi og er þetta etv. eðlilegt framhald á þeirri virkni.  Innskot í jarðlög á um 10 km. dýpi boðar ekki eldgos, það er amk. mjög ólíklegt.  Staðreyndin er að mikill meirihluti kviku storknar djúpt í jörðu sem innskot án þess að ná nokkurntímann til yfirborðs.  Að sjálfsögðu er þó rétt að fylgjast vel með þessari virkni.

Færslusafn eftir mánuðum