Síðan Skaftáreldum lauk þá höfum við verið tiltölulega laus við stór og hættuleg eldgos ef undanskilið er Öskjugosið 1875. Gosið í Heimaey 1973 var þótt ótrúlegt sé fremur lítið en olli gífurlegu tjóni vegna nálægðar við byggð. Síðustu 210 ár einkennast af mörgum minniháttar gosum, fyrst og fremst í megineldstöðvum en einnig vöknuðu eldri kerfi til lífsins eins og Vestmannaeyjar og Askja. Reyndar er vitað um einhver minniháttar gos í Öskju frá landnámi til 1875 en þá vaknar kerfið svo um munar.
Mikið af gosum eru skráð á Grímsvötn í Vatnajökli. Þau er virkasta eldstöð landsins og hafa verið það lengi þó lítið sé um heimildir frá fyrri öldum enda eldstöðin víðs fjarri mannabyggðum. 20. öldin einkenndist í raun af minniháttar “túristagosum” með fáum undantekningum. Bæði árin 2010 og 2011 urðu hinsvegar öflugri gos i Eyjafjallajökli og Grímsvötnum en þessar eldstöðvar hafa verið þekktar fyrir.
Þá er athyglisverð breyting á hegðun Heklu. Í stað stórra gosa með 50-100 ára millibili virðist fjallið gjósa mun oftar en minni gosum. Þannig hefur hún gosið nokkuð reglulega á um 10 ára fresti frá 1980. Miðað við nýupptekna hegðun ætti hún að láta að sér kveða á allra næstu árum.
| Eldstöð | ár hefst | ár lýkur | gosefni mk3 | tegund goss | Auðkenni | Aðrar upplýsingar |
| Grímsvötn | 1816 | gjóskugos | gos í jökli | |||
| Eyjafjallajökull | 1821 | 1823 | gjóskugos | gos í jökli | Katla gaus þegar þessu gosi lauk | |
| Grímsvötn | 1823 | gjóskugos | gos í jökli | |||
| Katla | 1823 | gjóskugos | gos í jökli | |||
| Reykjaneshryggur | 1830 | gjóskugos | gos i sjó | 4 km NA af Eldeyjarboða | ||
| Grímsvötn | 1838 | gjóskugos | gos í jökli | |||
| Hekla | 1845 | |||||
| Grímsvötn | 1854 | gjóskugos | gos í jökli | |||
| Katla | 1860 | gjóskugos | gos í jökli | |||
| Bárðarbunga | 1862 | 1864 | 0,3 | hraungos | Tröllahraunsgosið | á jökullausu svæði suðvestur af megineldstöðinni |
| Grímsvötn | 1867 | gjóskugos | gos í jökli | |||
| Grímsvötn | 1873 | gjóskugos | gos í jökli | |||
| Askja | 1875 | blandgos | amk. 6 gos frá jan-júlí | |||
| Hekla | 1878 | Við Krakatind, ekki í Heklu sjálfri | ||||
| Reykjaneshryggur | 1879 | gjóskugos | gos i sjó | SV af Geirfuglaskeri | ||
| Reykjaneshryggur | 1884 | gjóskugos | gos i sjó | Milli Eldeyjarboða og Geirfuglaskers | ||
| Grímsvötn | 1892 | gjóskugos | gos í jökli | |||
| Vestmannaeyjar | 1896 | gjóskugos | gos í sjó | neðansjávargos nálægt Geirfuglaskeri | ||
| Grímsvötn | 1897 | gjóskugos | gos í jökli | |||
| Grímsvötn | 1902 | 1903 | gjóskugos | gos í jökli | ||
| Bárðarbunga | 1910 | gjóskugos | gos í jökli | |||
| Hekla | 1913 | Við Mundafell og Lambafit | ||||
| Katla | 1918 | gjóskugos | gos í jökli | |||
| Askja | 1921 | 1930 | blandgos | Um 9 gos víðsvegar í kerfinu í hrinunni | ||
| Grímsvötn | 1922 | gjóskugos | gos í jökli | |||
| Reykjaneshryggur | 1926 | gjóskugos | gos i sjó | Lítið gos norðan Eldeyjar | ||
| Grímsvötn | 1934 | gjóskugos | gos í jökli | |||
| Grímsvötn | 1938 | gjóskugos | gos í jökli | |||
| Hekla | 1947 | |||||
| Askja | 1961 | blandgos | ||||
| Vestmannaeyjar | 1963 | 1967 | 1,1 | gjóskugos | Surtseyjargosið | |
| Hekla | 1970 | |||||
| Vestmannaeyjar | 1973 | 0,25 | blandgos | Heimaey | Mesta tjón í gosi á Íslandi á seinni tímum | |
| Krafla | 1975 | 1984 | 0,25 | hraungos | Kröflueldar síðari | |
| Hekla | 1980 | |||||
| Hekla | 1981 | |||||
| Grímsvötn | 1983 | gjóskugos | gos í jökli | |||
| Hekla | 1991 | |||||
| Grímsvötn | 1996 | gjóskugos | gos í jökli- Gjálpargosið | |||
| Grímsvötn | 1998 | gjóskugos | gos í jökli | |||
| Hekla | 2000 | |||||
| Grímsvötn | 2004 | gjóskugos | gos í jökli | |||
| Eyjafjallajökull | 2010 | hraungos | Gos á Fimmvörðuhálsi | |||
| Eyjafjallajökull | 2010 | gjóskugos | gos í jökli | Gos í toppgígnum | ||
| Grímsvötn | 2011 | gjóskugos | gos í jökli | Óvenju öflugt Grímsvatnagos | ||
| Bárðarbunga | 2014 | hraungos | Holuhraunsgosið |