Jarðskjáltar um víða veröld

  • Sun 18:23:18 (UTC) 3.0,3 Km ESE of La Parguera, - Details
  • Sun 18:22:59 (UTC) 4.2, - Details
  • Sun 18:12:52 (UTC) 3.9,Western Xizang, - Details
  • Sun 17:51:55 (UTC) 3.1,42 Km N of Kaikoura, - Details
  • Sun 17:33:49 (UTC) 3.0,146 Km SSE of Uzgen, - Details
  • Sun 17:33:45 (UTC) 3.3,19 Km SSE of Elazig, - Details
  • Sun 16:53:43 (UTC) 3.8,118 Km SSE of Sand Point.. - Details
  • Sun 16:15:49 (UTC) 4.0,76 Km Al SUR De SAN MAR.. - Details
  • Sun 16:08:58 (UTC) 3.3,22 Km SSE of Elazig, - Details
  • Sun 15:48:59 (UTC) 3.2,47 Km N of Te Anau, - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Tjörnesbrotabeltið

Kvikuinnskot í Eyjafjarðarál ?

Skjálftar úti fyrir Norðurlandi (http://www NULL.eldgos NULL.is/wp-content/uploads/2013/09/tjornes30sept2013 NULL.jpg)Margt bendir til þess að kvikuinnskot undir Eyjafjarðarál orsaki mikinn fjölda smáskjálfta sem þar hafa mælst undanfarna daga.  Þessi mikli fjöldi tiltölulega lítilla skjálfta, allir undir M3 af stærð, er óvenjulegur en ætla mætti að stærri skjálftar fylgdu með.  Þeir  hafa hinsvegar ekki orðið.  Skjálftarnir eru ennfremur á nokkuð afmörkuðu svæði og meirihluti þeirra á 10-12 km dýpi sem bendir til kvikuinnskots eins og fram kom í viðtali við jarðeðlisfræðing í hádegisfréttum Rúv í dag.

Öflugar jarðskjálftahrinur hafa orðið undanfarin misseri á brotabeltunum úti fyrir Norðurlandi og er þetta etv. eðlilegt framhald á þeirri virkni.  Innskot í jarðlög á um 10 km. dýpi boðar ekki eldgos, það er amk. mjög ólíklegt.  Staðreyndin er að mikill meirihluti kviku storknar djúpt í jörðu sem innskot án þess að ná nokkurntímann til yfirborðs.  Að sjálfsögðu er þó rétt að fylgjast vel með þessari virkni.

STÓR JARÐSKJÁLFTI ÚTI FYRIR NORÐURLANDI – M 5,3

(http://www NULL.eldgos NULL.is/wp-content/uploads/2013/04/tjornes2apr2013 NULL.jpg)Um kl. 1 í nótt fannst jarðskjálfti víða á Norðurlandi sem átti upptök um 16km austur af Grímsey.  Skjálftar hafa verið þarna undanfarna daga og þeir stærstu um 3 stig þar til stóri skjálftinn kom nú í nótt en fyrstu mælingar benda til þess að hann hafi verið um 5,3 M af stærð.  Skjálftinn er á Tjörnesbeltinu en þar eru stórir skjálftar vel þekktir.  Skjálftahrinan nú virðist vera á sömu brotalínu og skjálfti sem varð árið 1910 og er talinn hafa verið um 7 stig, þ.e. nyrstu brotalínunni í Tjörnesbeltinu sem teygir sig inn í Öxarfjörð.  Hér má sjá umfjöllun um (http://www NULL.eldgos NULL.is/snarpir-jardskjalftar-nordur-af-siglufirdi/) svæðið eftir jarðskjálftana i september í fyrra.

Fullvíst má telja að eftirskjálftar verða margir næstu sólarhringa en ómögulegt er að segja til um hvort þetta sé stærsti skjálftinn í þessari hrinu.  Myndin er fengin af vef Veðurstofu Íslands. (http://www NULL.vedur NULL.is/) og sýnir skjálftaupptökin í hrinunni.

Fréttir fjölmiðla af skjálftanum í nótt

Pressan.is:  Harður jarðskjálfti austur af Grímsey (http://www NULL.pressan NULL.is/Frettir/Lesafrett/hardur-jardskjalfti-austur-af-grimsey-53-a-richter)

mbl.is:  Stór skjálfti austur af Grímsey (http://www NULL.mbl NULL.is/frettir/innlent/2013/04/02/stor_skjalfti_austur_af_grimsey/)

Ruv.is:  Snarpur skjálfti fyrir norðan (http://www NULL.ruv NULL.is/frett/snarpur-skjalfti-fyrir-nordan-1)

Uppfært kl. 12:15

Óvissustigi lýst yfir

Almannavarnir hafa lýst yfir óvissustigi vegna jarðskjálftanna.  Stóri skjálftinn í gær reyndist vera 5,5 M af stærð.  Eins og búist var við hafa hundruð eftirskjálfta mælst, sá stærsti þeirra varð um kl. 9 í morgun og mældist 4,7.  Einnig mátti búast við því að virknin teygði sig til suðausturs og það virðist einnig vera að gerast.  Á þessu svæði er fjöldi misgengja og sprungna og óvíst hvaða áhrif þessir skjálftar hafa á þau.  Eldvirkni á þessu svæði tengd skjálftunum er afar ólíkleg.

(http://www NULL.eldgos NULL.is/wp-content/uploads/2013/04/tjornes3apr2013 NULL.jpg)

Uppfært 3.apríl kl. 00 30

Enn er mikil virkni á svæðinu og í kvöld urðu skjálftar uppá 4,7 og 4,4 talsvert suðaustan við skjálftaupptökin í gær og er ljóst að misgengið er að brotna upp í átt að Öxarfirði og Kópaskeri.  Líklegt er að sú þróun haldi áfram.

Á neðri myndinni sem tekin er af vef Veðustofunnar um kl. 00 15 sést þessi færsla vel en grænu stjörnurnar tákna skjálfta yfir M 3,0.  Þessi hrina er allsekkert einsdæmi á þessum slóðum, þarna varð öflug hrina árið 2002 með skjálfta yfir 5 M.  Hrinan sem nú er í gangi er þó enn öflugri.

 

 

Jarðskjálftar á ný í Eyjafjarðarál

(http://www NULL.eldgos NULL.is/wp-content/uploads/2013/03/tjornes_skjalftar10mar20131 NULL.jpg)

.

Í nótt varð skjálfti upp á 3,8 stig um 14 km norðvestur af Gjögurtá, eða a svipuðum slóðum og stóri skjálftinn varð í október síðastliðnum.  Það hafa verið viðvarandi smáskjálftar á þessum slóðum síðan en þessi er sá stærsti i langan tíma.  Á annan tug eftirskjálfta hafa mælst.  Stærsti skjálftinn í nótt fannst í byggðarlögum næst upptökunum þ.e. Siglufirði, Ólafsfirði, Dalvík og reyndar einnig á Húsavík.

Það er því ljóst að umbrotahrinunni í Eyjafjarðarál er ekki lokið og má búast við að þetta haldi eitthvað áfram.  Hrinan hefur enn sem komið er ekki haft áhrif á Tjörnes brotabeltið en það er það sem menn hafa helst haft áhyggjur af enda geta orðið mjög harðir skjálftar á því svæði.

Myndin er fengin af vef Veðurstofu Íslands (http://www NULL.vedur NULL.is/)

Fréttir í fjölmiðlum af skjálftanum:

Ruv.is – Snarpur jarðskjálfti nyrðra (http://www NULL.ruv NULL.is/frett/snarpur-jardskjalfti-nyrdra)

Mbl.is – Jarðskjálfti undan Gjögurtá (http://www NULL.mbl NULL.is/frettir/innlent/2013/03/10/jardskjalfti_undan_gjogurta/)

Ekkert lát á skjálftavirkni fyrir norðan – Óvissustigi lýst yfir

Í gær var lýst yfir óvissustigi vegna skjálftanna fyrir norðan.  Var það gert eftir að virknin færðist í austurátt að svæðinu norðan við Gjögur.  Það sem helst er óttast er að hrinan komi af stað stórum skjálfta á Flateyjar-Húsavíkur misgenginu en þar geta skjálftar farið yfir 7M af stærð.

Nú er ljóst að skjálftarnir eru siggengisskjálftar i sigdalnum í Eyjafjarðarál og skjálftar þar verða varla stærri en orðið er.  Hinsvegar eru skjálftar á Flateyjar-Húsavíkurmisgenginu annars eðlis, þ.e. misgengisskjálftar.

mbl.is  – næg spenna fyrir 6,8 stiga skjálfta. (http://www NULL.mbl NULL.is/frettir/innlent/2012/10/23/naeg_spenna_fyrir_6_8_stiga_skjalfta/)

HARÐIR JARÐSKJÁLFTAR ÚTI FYRIR NORÐURLANDI

(http://www NULL.eldgos NULL.is/wp-content/uploads/2012/10/tjornesbelti_skjalftar21okt2012 NULL.jpg)Snörp jarðskjálftahrina hefur gengið yfir úti fyrir norðurlandi síðan í gærkvöldi.  Skjálftarnir eru á svipuðum slóðum og skjálftar sem urðu NA af Siglufirði fyrir rétt rúmum mánuði síðan (http://www NULL.eldgos NULL.is/snarpir-jardskjalftar-nordur-af-siglufirdi/), þann 19. september en hrinan sem nú gengur yfir er þó mun harðari.  Stærsti skjálftinn í nótt mældist 5,2 M og er þar með  að öllum líkindum stærsti jarðskjálfti sem mælst hefur á eða við Ísland síðan Suðurlandsskjálftinn reið yfir árið 2008.  Fjöldi skjálfta hefur verið á bilinu 3-4 og nokkrir yfir 4 af stærð.  Skjálftarnir í nótt hafa fundist um svo að segja allt mið- norðurland, vestur á Ísafjörð og í Dalasýslu.  Harðastir hafa þeir verið á Siglufirði enda bærinn aðeins í um 25 km. fjarlægð frá upptökunum. Myndin hér til hliðar ef fengin af vef Veðurstofunnar (http://www NULL.vedur NULL.is/)og sýnir upptök skjálfta í gærkvöldi og í nótt.  Dreyfing skjálftanna er þó varla með þessum hætti sem myndin sýnir því þegar mjög margir skjálftar verða þá koma oft upp villur varðandi staðsetningu.  Flestir þeirra eiga upptök um 25 km. norður af Siglufirði.

Þetta eru  brotaskjálftar nálægt svokölluðu Flateyjar-Húsavíkur misgengi en þó líklega ekki á misgenginu sjálfu.  Þessi hrina er hinsvegar að verða nokkuð þrálát, segja má að hún hafi hafist fyrir mánuði síðan, lá svo að mestu niðri þar til fyrir nokkrum dögum að  hún tók sig svo upp aftur og herti svo mjög á hrinunni í gærkvöldi og nótt.   Þetta er fremur óvenjuleg þróun á jarðskjálftahrinu því í flestum tilfellum verða stærstu skjálftarnir fyrst og svo smádregur úr hrinunni.  Þetta er ekki eldvirkt svæði og engin ástæða til að óttast neitt slíkt, en eins og mál standa núna er ekki hægt að útiloka fleiri mjög snarpa jarðskjálfta á svæðinu.

Fréttir fjölmiðla af skjálftunum:

Mbl.is:  Lítið lát á jarðskjálftum (http://www NULL.mbl NULL.is/frettir/innlent/2012/10/21/litid_lat_a_jardskjalftum/)

Visir.is:  Allt nötrar og skelfur á Norðurlandi (http://www NULL.visir NULL.is/allt-notrar-og-skelfur-a-nordurlandi/article/2012121029922)

Pressan.is: Jörð nötrar fyrir norðan: Rúður hafa sprungið og hlutir dottið úr hillum (http://www NULL.pressan NULL.is/Frettir/Lesafrett/jord-notrar-fyrir-nordan-rudur-hafa-sprungid-og-hlutir-dottid-ur-hillum)

 

UPPFÆRT KL. 19 20

Enn er talsverð skjálftavirkni á svæðinu þó það hafi dregið úr hrinunni.  Stóri skjálftinn í nótt hefur verið endurmetinn og stærð hans er nú talin hafa verið 5,6 M og er þar með stærsti jarðskálfti á Tjörnesbrotabeltinu frá því árið 1976 eða í 36 ár.  Upptök skjálftanna eru í sigdal í Eyjafjarðarál.   Sigdalur þýðir að landsvæði eða hafsbotn sígur á milli tveggja meginbrotalína.  Sigið á sér yfirleitt ekki stað jafnt og þétt, heldur gerist í umbrotahrinum þar sem saman fer rek, gliðnun og jarðskjálftar.

Snarpir jarðskjálftar norður af Siglufirði

(http://www NULL.eldgos NULL.is/wp-content/uploads/2012/09/tjornesbelti_skjalftar19sep2012 NULL.jpg)Í morgun tók sig upp aftur jarðskjálftahrina sem hófst fyrr í vikunni um 25 km. NA af Siglufirði.  Snarpasti skjálftinn í morgun mældist 4,3 M og annar um 4.  Þá hafa mælst allnokkrir skjálftar á milli 2,5 og 3.  Hrinan er í fullum gangi ennþá og má því búast við fleiri skjálftum á bilinu 3-4.  Þetta er velþekkt jarðskjálftasvæði og er hluti af Tjörnesbrotabeltinu.  Þetta eru hefðbundnir brotaskjálftar á svæðinu en dæmi eru um mjög stóra jarðskjálfta á þessu svæði.  Þessir skjálftar tengjast á engan hátt eldsumbrotum. Myndin sem fengin er af vef Veðurstofu Íslands (http://www NULL.vedur NULL.is/)sýnir upptök skjálftanna í morgun.

Tjörnesbrotabeltið er þrískipt, þ.e. þrjár meginsprungur með VNV-ASA stefnu eins og sést ágætlega á meðfylgjandi korti hér til hægri (neðri myndin)  Nyrsta sprungan liggur nokkurn veginn frá Grímsey  og inn í Öxarfjörð.  Þar eru skjálftar mjög algengir og árið 1910 varð skjálfti í Öxarfirði sem er talinn hafa verið M 7,1 af stærð.  Nær okkur í tíma er Kópaskersskjálftinn árið 1976 sem var um 6,2 stig.   (Kortið er fengið af vef Veðurstofu Íslands, ath. þetta er pdf skjal (http://www NULL.vedur NULL.is/media/vedurstofan/utgafa/greinargerdir/2005/05021 NULL.pdf))  Kópaskersskjálftinn tengdist reyndar eldsumbrotum á Kröflusvæðinu enda gekk yfir mikil rek og gliðnunarhrina á svæðinu með alls 9 eldgosum frá árinu 1976-1984.

Skjálftarnir nú eru nálægt vesturenda svonefnds Flateyjar- Húsavíkur misgengis sem einnig er mjög virkt.  Skjálftarnir virðast þó ekki vera á misgenginu sjálfur, heldur rétt norðan við það.  Stærsti atburðurinn á F-H misgenginu er jarðskjálfti sem varð árið 1755 og var nokkuð örugglega yfir M 7 þó jarðskjálftamælingar  hafi að sjálfsögðu ekki verið til staðar á þeim tíma.

(http://www NULL.eldgos NULL.is/wp-content/uploads/2012/09/tjornesbelti_kort1 NULL.jpg)Syðsta beltið er svonefnt Dalvíkurbeltið en það er að mestu leiti inni á landi.  Á því varð Dalvíkurskjálftinn árið 1934.  Hann var um M 6,3,

Þá er ótalinn mjög stór skjálfti sem varð í minni Skagafjarðar árið 1963 en upptök hans eru líkast til í vesturenda Dalvíkurbeltisins.  Hann var um 7,1 af stærð.   Þó Dalvíkurbeltið sé minna virkt en hin tvö þá sýnir sagan að á því geta orðið mjög harðir skjálftar rétt eins og hinum tveim.  Að öllum líkindum geta skjálftar úti fyrir norðurlandi orðið stærri en öflugustu suðurlandsskjálftar en valda þó yfirleitt minna tjóni þar sem upptökin eru í flestum tilfellum nokkuð frá landi.

Fréttir fjölmiðla af skjálftunum í dag:

Ruv.is:  Jarðskjálfti 4,3 í Eyjafjarðarál (http://www NULL.ruv NULL.is/frett/jardskjalfti-43-i-eyjafjardaral)

Mbl.is: Harðir jarðskjálftar fyrir norðan (http://www NULL.mbl NULL.is/frettir/innlent/2012/09/19/hardir_jardskjalftar_fyrir_nordan/)

Pressan.is: Jarðskjálftahrina fyrir norðan (http://www NULL.pressan NULL.is/Frettir/Lesafrett/jardskjalftahrina-fyrir-nordan-baejarstarfsmenn-fundu-greinileg-hogg)

Færslusafn eftir mánuðum