Landris og jarðskjálftar við Krísuvík

Hrina smáskjálfta hófst við vesturenda Kleifarvatns síðastliðna nótt þ.e. rétt við Krísuvík.  Fram (http://www NULL.eldgos NULL.is/wp-content/uploads/2010/11/reykjanesskagi30nov2010 NULL.jpg)kemur á vísi.is (http://visir NULL.is/grannt-fylgst-med-landrisi-vid-krysuvik/article/2010661548606) að landris hafi hafist á þessu svæði í fyrra en gengið svo til baka.  Síðastliðið vor hófst landrisið svo aftur og er talið stafa annaðhvort af völdum kvikuinnstreymis eða þrýstingsbreytingum á jarðhitasvæðum á þessum slóðum.

Meðfylgjandi kort sem  er fengið af vefsvæði Veðurstofunnar (http://vedur NULL.is/skjalftar-og-eldgos/jardskjalftar/reykjanesskagi/) sýnir upptök skjálftanna.  Þetta er á alkunnu skjálftasvæði en það sem vekur áhuga núna er landrisið á svæðinu.  Ekki er þó talið að eldgos sé í aðsigi en síðast urðu staðfest gos á Reykjanesskaganum á 13. öld.   Smelltu hér til að sjá umfjöllun um eldstöðvar á Reykjanesskaganum. (http://www NULL.eldgos NULL.is/reykjanesskagi)

Athugasemdir