Jarðskjáltar um víða veröld

  • Thu 07:07:43 (UTC) 4.7,North Atlantic Ocean, 12.. - Details
  • Thu 06:57:03 (UTC) 4.0,North Pacific Ocean, 33 .. - Details
  • Thu 06:20:56 (UTC) 3.4,PANAMA-COSTA RICA BORDER.. - Details
  • Thu 06:10:45 (UTC) 3.3,Aegean Sea, 77 km SW of .. - Details
  • Thu 06:03:00 (UTC) 3.1,6.7 km NNW of Florencia,.. - Details
  • Thu 05:50:50 (UTC) 3.0,10.5 km SE of Buero, Pap.. - Details
  • Thu 05:37:20 (UTC) 4.4,South Pacific Ocean, 38 .. - Details
  • Thu 04:42:32 (UTC) 5.1,Ambok, 6.9 km S of Wadag.. - Details
  • Thu 04:22:45 (UTC) 3.1,Hastings District, 8.4 k.. - Details
  • Thu 03:59:00 (UTC) 3.2,Machiques De Perijá, 49.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Katla

Haustskjálftar í Kötlu

Jarðskjálftar í Kötlu og á Torfajökulssvæðinu undanfarna sólarhringa.  Myndin er fengin af vef Veðurstofu Íslands. (http://eldgos NULL.is/wp-content/uploads/2015/09/myrdalsjokull22sep20115 NULL.jpg)

Jarðskjálftar í Kötlu og á Torfajökulssvæðinu undanfarna sólarhringa. Myndin er fengin af vef Veðurstofu Íslands.

Hrina af grunnum jarðskjálftum varð í Kötlu í Mýrdalsjökli í nótt.  Stærsti skjálftinn mældist M 3,3 og hefur tæplega fundist í byggð, til þess þurfa skjálftar í Kötlu að vera töluvert öflugri.    Þar sem skjálftarnir eru grunnir þá bendir það til jarðhitavirkni frekar en að kvika sé á hreyfingu.

Jarðskjálftavirkni í Kötlu er að jafnaði meiri á haustin en á öðrum árstímum og orsakast væntanlega af þrýstingsbreytingum vegna bráðnunar á jöklinum yfir sumartímann.  Í sögunni hafa einnig flest eldgosin þar hafist að hausti til, oftast í október.  Fremur rólegt hefur verið yfir Kötlu hin allra síðustu ár.  Hlaupvatn komst þó í ár sem renna frá jöklinum í júlí 2014 í (http://eldgos NULL.is/jardskjalftar-i-kotluoskjunni-hlaupvatn-i-am/) kjölfar jarðskjálftavirkni en ekkert meira varð úr því.

Í heild hefur verið afar rólegt yfir landinu síðan gosinu í Holuhrauni lauk, helst að snarpar jarðskjálftahrinur á Reykjaneshrygg hafi vakið athygli.

Nú gætum við verið að horfa fram á óróatíð hvað varðar Kötlu sem gaus síðast árið 1918.  Einnig hefur verið nokkuð um smáskjálfta á Torfajökulssvæðinu norðan við Mýrdalsjökul en það gerist endrum og eins og tengist tæplega Kötlu.

Þá virðist órói vera að aukast aftur í grennd við Bárðarbungu og jafnvel taldar líkur á að kvika sé farin að safnast saman aftur í iðrum eldfjallsins.

Jarðskjálftar í Kötluöskjunni – Hlaupvatn í ám

Skjálftar í Kötlu undanfarna sólarhringa.  Myndin er fengin af vef Veðurstofu Íslands. (http://eldgos NULL.is/wp-content/uploads/2014/07/myrdalsjokull8jul2014 NULL.jpg)

Skjálftar í Kötlu undanfarna sólarhringa. Myndin er fengin af vef Veðurstofu Íslands.

Almannavarnadeild ríkislögreglustjóra hefur lýst yfir óvissustigi vegna óróa í Mýrdalsjökli.  Síðastliðna viku hafa mælst fjölmargir grunnir jarðskjálftar austarlega í Kötluöskjunni og nú hefur orðið vart við aukna leiðni og hlaupvatn i ám sem renna frá jöklinum, þ.e. Jökulsá á Sólheimasandi og Múlakvísl.

Það er þó ekkert sem bendir til þess að Kötlugos sé í aðsigi, skjálftarnir tengjast nær örugglega jarðhitakerfum i jöklinum og einnig hlaupvatnið.  Veðurfarslegar ástæður eru því líklegri heldur en að kvika sé að stíga upp en þegar Katla á í hlut þá er fylgst sérlega vel með og gefnar út tilkynningar um leið og eitthvað breytist.   Skjálftavirkni eykst að jafnaði um mitt sumar í Kötlu og helst fram á haust.  Virknin núna er eitthvað meiri en á sama tima undanfarin ár.

Sumarið 2011 varð eins og menn muna talsvert hlaup í Múlakvísl sem olli tjóni  á þjóðveginum auk þess að gjöreyðileggja brú yfir ána.  Bráðabirgðabrú var reist á nokkrum dögum og svo vill til að nýbúið er að hleypa umferð á nýja fullgerða brú yfir ána.  Eins og staðan er núna ætti hún þó ekki að vera í hættu.

Fréttir um óróann i Kötlu:

Rúv: Vísindamenn fylgjast grannt með Kötlu (http://ruv NULL.is/frett/visindamenn-fylgjast-grannt-med-kotlu)

Vísir.is: Órói í Kötlu bræðir hlaupvatn í jökulár (http://www NULL.visir NULL.is/oroi-i-kotlu-braedir-hlaupvatn-i-jokular/article/2014140709007)

Mbl.is: Óvissustig vegna jökulhlaups (http://www NULL.mbl NULL.is/frettir/innlent/2014/07/08/ovissustig_vegna_jokulhlaups_7/)

DV.is: Leiðsögumaður:”Það er venjulega ekkert vatn á þessu svæði” (http://www NULL.dv NULL.is/frettir/2014/7/8/leidsogumadur-thad-er-venjulega-ekkert-vatn-thessu-svaedi/)

 

 

 

Smáskjálftar bæði í Heklu og Kötlu

Skjálftar í eldstöðvum á Suðurlandi undanfarinn sólarhring.  Myndin er fengin af vef Veðurstofu Íslands. (http://eldgos NULL.is/wp-content/uploads/2014/03/Katla-Hekla NULL.jpg)

Skjálftar í eldstöðvum á Suðurlandi undanfarinn sólarhring. Myndin er fengin af vef Veðurstofu Íslands.

 

Undanfarna sólarhringa hafa smáskjálftar orðið bæði í Heklu og Kötlu.  Hvað Heklu varðar þá birtust um það fréttir nýlega að kvikusöfnun væri orðin meiri í kvikuhólfi fjallsins en fyrir síðasta gos, reyndar var hún orðin það þegar árið 2006.  Skjálftar eru fátíðir í Heklu á milli gosa en undanfarnar vikur hefur mátt greina einn og einn smáskjálfta.  Í gær (föstudagur 28.mars) urðu nokkrir slíkir skjálftar á mjög litlu svæði um 4 km. norðaustur af Heklu og voru mældir á 6-14km dýpi samkvæmt vef Veðurstofu Íslands (http://www NULL.vedur NULL.is/).  Ómögulegt er að segja hvort eldgos sé beinlínis yfirvofandi í Heklu en þar sem aðeins gæti gefist klukkustund og jafnvel minna en það frá því mælingar gefa til kynna að gos sé að hefjast, þá er engan veginn hægt að mæla með því að gengið sé á fjallið.

Í Kötlu hafa mælst um 20 smáskjálftar í dag, flestir mjög litlir í grennd við Goðabungu.  Þegar stillur eru þá eru mælar næmari fyrir smáum skjálftum og því þarf þetta í sjálfu sér ekki að vera neitt óeðlilegt en þó merki þess að eldstöðin sé lifandi.  Svo smáir skjálftar (0-1) geta reyndar allt eins verið íshrun í grennd við jarðhitasvæðin sem eru fjölmörg í Mýrdalsjökli.  Katla hefur reyndar verið mun rólegri í vetur en búast hefði mátt við eftir óróleika undanfarin ár.

Smáskjálftar aukast á ný í Kötlu

Nýlegir skjálftar í Kötlu (http://www NULL.eldgos NULL.is/wp-content/uploads/2013/08/katla8ag2013 NULL.jpg)

Nýlegir skjálftar í Kötlu

.

.

 

Nú virðist vera farin í gang hefbundin síðsumars og haustvirkni í Kötlu eins og sjá má á meðfylgjandi mynd sem fengin er af vef Veðurstofunnar (http://www NULL.vedur NULL.is/).  Smáskjálfta virkni hefur verið undanfarna sólarhringa bæði í Kötluöskjunni og undir Goðabungu.  Búast má við áframhaldandi smáskjálftavirkni næstu mánuði en ekkert bendir enn til frekari tíðinda í Kötlu.

Undanfarnir mánuðir hafa verið með afbrigðum rólegir hvað jarðskjálftavirkni varðar á og við landið og fátt fréttnæmt gerst.  Smáskjálftar hafa þó verið í víð og dreif eins og endranær , helst á Suðurlandi, úti fyrir Norðurlandi og í norðanverðum Vatnajökli.

Skjálfti í Kötlu

(http://www NULL.eldgos NULL.is/wp-content/uploads/2012/10/katla2 NULL.jpg)Skjálfti upp á 3,2 M varð í Kötlu í morgun.  Skjálftinn var grunnur og tengist líklega frekar jarðhitavirkni í jöklinum heldur en kvikuhreyfingum.  Átti hann upptök sín norðarlega í Kötluöskjunni.   Annars hefur Katla verið fremur róleg í sumar og haust miðað við árið áður og ekkert sem bendir til stórra tíðinda á svæðinu á næstunni.

 

Fréttir í fjölmiðlum af skjálftanum í morgun:

Mbl.is : 3,2 stiga skjálfti í Kötlu (http://www NULL.mbl NULL.is/frettir/innlent/2012/10/03/3_2_stiga_skjalfti_i_kotlu/)

Ruv.is : Jarðskjálfti í Kötlu 3,2 af stærð (http://www NULL.ruv NULL.is/frett/jardskjalfti-i-kotlu-32-ad-staerd)

DV.is : Jarðskjálfti í Kötlu í morgun (http://www NULL.dv NULL.is/frettir/2012/10/3/jardskjalfti-i-kotlu-i-morgu/)

Snarpur jarðskjálfti í Kötlu

(http://www NULL.eldgos NULL.is/wp-content/uploads/2012/08/katla_17ag2012 NULL.jpg)Jarðskjálfti sem mældist 3,8 varð við Austmannsbungu sem er í norðausturbarmi Kötluöskjunnar laust fyrir kl. 16 í dag.  Skjálftinn fannst ekki í byggð.  Alls hefur um tugur skjálfta mælst í Kötlu í dag, flestir í öskjunni sjálfri en einn smár í Goðabungu.  Enginn órói hefur fylgt skjálftanum og á þessari stundu engar víbendingar um að eitthvað meira sé í aðsigi.  Skjálftavirkni í Kötlu nær yfirleitt hámarki síðsumars og á haustin og því má gera ráð fyrir fleiri atburðum af þessu tagi á næstunni.

Myndin er fengin af vef Veðurstofu Íslands. (http://www NULL.vedur NULL.is/)

Fréttir í fjölmiðlum af skjálftanum í dag:

Ruv.is – Jarðskjálfti í Mýrdalsjökli (http://www NULL.ruv NULL.is/frett/jardskjalfti-i-myrdalsjokli)

Mbl.is – Jörð skalf við Austmannsbungu (http://www NULL.mbl NULL.is/frettir/innlent/2012/08/17/jord_skalf_vid_austmannsbungu/)

Færslusafn eftir mánuðum