Jarðskjálfti, 3,4 að stærð varð í Kistufelli skammt n.a. af Bárðarbungu í Vatnajökli í nótt. Skjálftar urðu bæði fyrir og eftir stærsta skjálftann en þeir voru allir undir 2 að stærð. Skjálftar á þessum slóðum eru mjög algengir í seinni tíð og tengjast einhvernskonar hreyfingum í Bárðarbungukerfinu.
Myndin er fengin af vef Veðurstofu Íslands
Allmargir skjálftar urðu við Kistufell í norðvestanverðum Vatnajökli í gær 14.okt. Stærstu skjálftarnir voru um 3,1 M og fundust ekki í byggð. Kistufell og nærliggjandi svæði tilheyrir Bárðarbungueldstöðinni og skjálftahrinur hafa orðið þarna af og til undanfarin ár, í Kistufelli, Bárðarbungu sjálfri og í Hamrinum sunnan við Bárðarbungu. Síðast varð umtalsverð hrina við Kistufell í Apríl á þessu ári. Þá er skemmst að minnast hlaups undan Köldukvíslarjökli við Hamarinn í júlí 2011 sem mögulega stafaði af litlu eldgosi undir jöklinum. Enginn órói fylgdi skjálftunum í gær og fáir skjálftar hafa orðið á svæðinu í dag.
Myndin er fengin af vef Veðurstofu Íslands.
Hrina smáskjálfta hófst við Kistufell í Vatnajökli snemma í morgun. Um tugur skjálfta hefur mælst þar en einnig hafa mælst skjálftar sunnar í Bárðarbungu. Kistufell er um 20-25 km. norðaustur af miðju Bárðarbungu og tilheyrir þeirri eldstöð. Einnig hafa mælst nokkrir skjálftar í Kverkfjöllum í norðanverðum Vatnajökli í morgun. Þá er ennþá líf í Tungnafellsjökli sem er einnig á þessum slóðum.
Síðast varð hrina í Kistufelli í desember síðastliðnum. Jarðskjálftahrinur á þessu svæði hafa verið algengar undanfarin ár, sem og víðar í Bárðarbungueldstöðinni ss. í Hamrinum sunnan til í Bárðarbungukerfinu.
Myndin er fengin af vef Veðurstofu Íslands.
Jarðskjálftahrina hófst við Kistufell skammt norðaustan við Bárðarbungu í Vatnajökli í gærkvöldi. Stærsti skjálftinn í hrinunni hingað til mældist 3,3 samkvæmt sjálfvirkum mælum Veðurstofunnar. Um tugur skjálfta hefur mælst á um tveim klukkustundum, flestir á bilinu 1,5 – 2,5. Ekki er að sjá neinn gosóróa á mælum. Virkni hefur verið af og til á þessu svæði undanfarin ár en þó frekar rólegt síðustu mánuði.
Earthquake swarm took place northeast of Bárðarbunga in Vatnajökull peninsula last night. The largest earthquake in the cycle to so far is 3.3 recording to the automated service from Icelandic Met. Office .There is n´t any sign of harmonic tremor. Activity has been in this area in recent years but rather quiet in recent months.
Nú eru taldar líkur á að lítið eldgos hafi orsakað jökulhlaupið í Sveðju og Köldukvísl í fyrradag. Samkvæmt frétt Bylgjunnar og Vísis átti hlaupið upptök sín á svæði skammt austan við Hamarinn og mynduðust tveir sigkatlar á stað þar sem ekki var vitað um jarðhita áður. Þó þetta hafi verið mjög lítið gos þá er þetta staðfesting á aukinni virkni á þessu svæði. Ekki er vitað nákvæmlega hvenær gaus í Hamrinum síðast en algengara er að gos í Bárðarbungukerfinu verði nær Bárðarbungu sjálfri. Hamarinn er megineldstöð sem tilheyrir Bárðarbungukerfinu. Jarðskjálftar hafa verið tíðir í grennd við Hamarinn undanfarin ár.