Jarðskjáltar um víða veröld

  • Thu 06:20:56 (UTC) 3.4,PANAMA-COSTA RICA BORDER.. - Details
  • Thu 06:10:47 (UTC) 3.1,Aegean Sea, 78 km SW of .. - Details
  • Thu 06:03:00 (UTC) 3.1,6.7 km NNW of Florencia,.. - Details
  • Thu 05:50:50 (UTC) 3.0,10.5 km SE of Buero, Pap.. - Details
  • Thu 04:42:32 (UTC) 5.1,Ambok, 6.9 km S of Wadag.. - Details
  • Thu 04:22:45 (UTC) 3.1,Hastings District, 8.4 k.. - Details
  • Thu 03:59:00 (UTC) 3.2,Machiques De Perijá, 49.. - Details
  • Thu 03:47:42 (UTC) 5.3,Tutang, 4 km NNE of Itut.. - Details
  • Thu 03:33:55 (UTC) 4.7,South Pacific Ocean, 793.. - Details
  • Thu 03:30:06 (UTC) 3.6,North Padang Lawas Regen.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

admin

Snarpir eftirskjálftar- Virknin færist í átt að Fagradalsfjalli

Mikið hefur verið um eftirskjálfta í dag eftir stóra skjálftann laust eftir hádegi. Nú er staðfest stærð hans M 5,6 sem gerir skjálftann að stærsta jarðskjálfta á Reykjanesskaganum síðan árið 2003.

Skjálftinn var dæmigerður sniðgengisskjálfti á flekaskilum og eldsumbrot í kjölfarið eru harla ólíkleg. Hinsvegar getur hrinan haldið eitthvað áfram og skjálftar upp á M 3,5 – 4 nokkuð líklegir næstu 12-24 tímana. Mjög ólíklegt er að annar svona stór skjálfti verði.

Skjálftarnir hafa síðustu klukkustundir fært sig í vestur eftir misgenginu í átt að Fagradalsfjalli en þar hafa einmitt orðið öflugir skjálftar á árinu.

Staðsetning skjálftanna í dag. Mynd fengin af vef Veðurstofu Íslands. Hafa ber í huga að þegar svo mikið mælist af skjálftum þá er staðsetning þeirra ekki alltaf mjög nákvæm á kortum fyrst um sinn.

HARÐIR JARÐSJÁLFTAR NÆRRI KRÝSUVÍK

Snarpur jarðskjálfti fannst á suðvesturlandi kl. 13 45 í dag og allsnarpir eftirskjálftar hafa einnig fundist. Stærð stærsta skjálftans virðist nokkuð á reiki, í fyrstu var hann talinn M 5,7 en nú metur Veðurstofan hann M 4,4 sem er þó undarlega lágt miðað við hversu snarpur hann var og fannst víða.

Myndin er fengin af vef Veðurstofu Íslands og sýnir upptök skjálftanna í dag.

Upptökin eru 4.4 km VNV af Krýsuvík , nokkurnveginn á milli eldstjöðvanna sem kenndar eru við Krýsuvík og Fagradalsfjall. hann varð á 3,7 km dýpi. Það hversu grunnur hann er getur skýrt hve snarpur hann virtist vera.

UPPFÆRT: Nú hefur Veðurstofan fært hann upp í M 5,6 af því er virðist vera á vef Veðurstofunnar. Það er líka mun líklegri tala miðað við hversu öflugur skjálfinn var.

Engin merki eru um gosóróa enda að öllum líkindum um brotaskjálfta að ræða. Hinsvegar er þetta framhald þess mikla óróa sem hefur verið á Reykjanesskaganum allt þetta ár en umbrotin virðast færast austur eftir skaganum.

Snarpur eftirskjálfti mældist kl. 14:31 og var M 4,0 af stærð og fannst vel á suðvesturlandi.

Tjörnesbrotabeltið: Snarpir skjálftar á Skjálfanda – færast nær Húsavík

Skjálfti upp á M 4,6 varð í dag um 7 km SA af Flatey á Skjálfanda. Annar skjálfti upp á M 4.0 varð skömmu síðar. Þetta er framhald hrinu sem hefur verið i gangi vestar á þessu sama misgengi, Húsavíkur-Flateyjar misgenginu svokallaða.

Myndin er fengin af vef Veðurstofu Íslands og sýnir upptök skjálftanna. Þeir stærstu og nýjustu eru vestarlega á Skjálfandaflóa.

Það sem er að gerast nú er að skjálftarnir eru að færa sig austur eftir misgenginu í átt að Húsavík. Það eru ekkert sérlega góð tíðindi því þetta misgengi liggur alveg að Húsavík og skjálftar geta orðið mjög stórir á þessu misgengi. Talið er að skjálfti sem varð á þessum slóðum árið 1755 hafi verið um M 7,0 af stærð. Síðast urðu mjög harðir skjálftar árið 1872, þá urðu amk. tveir skjálftar um og yfir M 6 af stærð. það er því nokkuð ljóst að spenna til að framkalla stóran skjálfta er til staðar á misgenginu.

Það er erfitt að segja til um framhaldið en íbúar á Húsavík og nágrenni ættu að vera viðbúnir skjálftum á næstu dögum og vikum , hvort heldur þeir verða svipaðir af stærð og þessir í dag eða stærri.

Þessi mynd er fengin af vef Veðurstofu Íslands og sýnir misgengin á Tjörnesbrotabeltinu og upptök jarðskjálfta á þeim. Skjálftahrinan nú er á vestara og syðra beltinu sem liggur frá Eyjafjarðarál og inn á Skjálfandaflóa að Húsavík.

Snarpir skjálftar við Fagradalsfjall

Skjálfti af stærðinni M 4,2 varð um 3,2 km austur af Fagradalsfjalli á Reykjanesskaga kl. 16 15 í dag. Rúmum tveim tímum áður hafði orðið skjálfti upp á M 3,7 á sömu slóðum. Fjöldi eftirskjálfta hafa mælst og þar af þrír yfir M 3,0. Skjálftarnir eru nær allir á 5-7 km dýpi.

Myndin er fengin af vef Veðurstofu Íslands og sýnir upptök skjálftanna

Þetta er framhald þeirrar atburðarásar sem hefur verið í gangi nær allt árið á Reykjanesskaganum þar sem kvikuinnskot vestar á skaganum valda spennubreytingum á stóru svæði. Nú virðast skjálftarnir vera að færast austar, þessi hrina við Fagradalsfjall er nokkrum km. austar heldur en skjálftarnir sem urðu 20. júlí sl.

Það má því algjörlega reikna með skjálftum áfram á skaganum og það nokkuð sterkum. Virknin er nú að færast nær Krísuvíkureldstöðinni og því svæði þar sem jarðskjálftar verða reglulega og ekki ólíklegt að þar fari í gang virkni á næstu vikum og mánuðum.

Sumarskjálftar í Mýrdalsjökli

Skjálfti af stærðinni M 3,4 mældist í Mýrdalsjökli kl 07 41 í morgun. Annar M 2,8 mældist skammri stundu áður. Sá stærri fannst í næsta nágrenni við eldstöðina. Upptök skjálftanna voru í Kötluöskjunni.

Staðsetning skjálftanna í Mýrdalsjökli. Myndin er fengin af vef Veðurstofu Íslands

Algengt er að jarðskjálftavirkni aukist í Mýrdalsjökli síðsumars og fram á haust vegna jökulbráðnunar og fargbreytinga. Þetta hefur einnig áhrif á jarðhitasvæði í jöklinum og hefur einmitt mælst há leiðni í Múlakvísl undanfarnar vikur, svo há að fólki er ráðlagt að gæta sín þar sem áin rennur undan jöklinum því gas getur safnast í lægðir.

Allra síðustu árin hefur verið tiltölulega rólegt á Kötlusvæðinu eftir nokkur umbrot í kjölfar gossins í Eyjafjallajökli og einning lét Katla illa árið 2016. Nú eru liðin tæp 102 ár frá síðasta Kötlugosi sem er lengsta goshlé sem vitað er um í fjallinu frá landnámi. Reyndar er talið að smágos hafi orðið nokkrum sinnum á þessu tímabili sem ekki hafi náð uppúr jöklinum.

Snarpur jarðskjálfti á Reykjanesskaga

Skjálfti um stærð M 5.0 varð um 1,6 km NV af Fagradalsfjalli á Reykjanesskaga kl. 23 36 í gærkvöldi. Skjálftinn fannst meira og minna um allt suðvesturland, einnig í Vestmannaeyjum.

Upptök jarðskjálfta á Reykjanesskaga síðustu sólarhringa. Stóri skjálftinn í gærkvöldi er rauði hringurinn á miðri myndinni. Gögn fengin af vef Veðurstofu Íslands.

Samkvæmt vef Veðurstofu Íslands varð skjálftinn á 10,4 km dýpi sem er óvenju djúpur skjálfti meðað við það sem gengur og gerist á Reykjanesskaga. Fjöldi eftirskjálfta hefur mælst, þar af amk. tveir yfir M 3 og hafa því fundist vel í nágrenninu.

Síðustu daga hefur verið enn ein hrinan í gangi í Svartsengiskerfinu nærri Grindavík, sem tengist landrisinu á þeim slóðum. Hvort þessir skjálftar við Fagradalsfjall tengist þessu landrisi á einhvern hátt er óljóst en það eru um 9-10 km á milli upptakasvæðanna.

Skjálftar eru algengir við Fagradalsfjall en þar hefur þó ekki gosið í um 6000 ár af því að talið er. það þýðir þó að sjálfsögðu ekki að þar geti ekki orðið gos.

Þar með eru upptakasvæði jarðhræringa á Reykjanesskaganum sem staðið hafa linnulítið frá áramótum orðin þrjú, Reykjaneskerfið vestast á skaganum, Svartsengi við Grindavík og nú Fagradalsfjall.

Færslusafn eftir mánuðum