Jarðskjáltar um víða veröld

  • Sun 16:04:37 (UTC) 3.0,- 71km WNW of Talkeetna,.. - Details
  • Sun 15:53:22 (UTC) 4.7,- 64km NNE of Tobelo, - Details
  • Sun 15:49:43 (UTC) 3.6,NORTHERN - Details
  • Sun 14:32:00 (UTC) 5.1,036 km N 12? E of Bu.. - Details
  • Sun 14:25:18 (UTC) 5.0,W. Caroline Islands, Mic.. - Details
  • Sun 14:06:59 (UTC) 4.9,- 144km NNE of Bristol I.. - Details
  • Sun 13:39:35 (UTC) 3.6,OFF COAST OF - Details
  • Sun 12:57:14 (UTC) 4.2,OFF COAST OF OAXACA, - Details
  • Sun 12:12:59 (UTC) 4.7,SOUTHERN SUMATRA, - Details
  • Sun 11:42:17 (UTC) 4.6,- 72km E of Nikol'skoye,.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Askja

Gríðarstórt berghlaup féll í Öskjuvatn

Myndin er fengin af vef Veðurstofu Íslands.  Jara Fatíma Brynjólfsdóttir tók myndina.   Ljósi flekkurinn sem þarna sést er laust efni sem skolaðist í vatnið með skriðunni.

Myndin er fengin af vef Veðurstofu Íslands. Jara Fatíma Brynjólfsdóttir tók myndina.
Ljósi flekkurinn sem þarna sést er laust efni sem skolaðist í vatnið með skriðunni.

Óhemjustór skriða féll ofan í Öskjuvatn í fyrrakvöld.  Er talið að um 24 milljónir rúmmetra af efni hafi fallið í vatnið suðaustantil og skapað flóðbylgjur sem slettust allt að 50 metra upp á hamraveggina umhverfis vatnið.  Náði vatn meira að segja að komast yfir haftið á milli Öskju og gígsins Víti.  Varla þarf að spyrja að leikslokum hefði einhver verið niður við vatnið þegar þetta átti sér stað en til allrar hamingju var enginn á svæðinu.  Yfirborð Öskjuvatns er nú tveim metrum hærra en fyrir berghlaupið.

Svo miklar voru hamfarirnar að óróapúls kom fram á jarðskjálftamælum í um 20 mínútur eftir atburðinn og ljós mökkur steig til himins.

Talið er að mikil hlýindi og snjóbráð að undanförnu hafi komið skriðunni af stað.  Öskjuvatn myndaðist eftir stórgos árið 1875 og því er landslagið þarna mjög ungt og rof-og mótunaröfl í fullum gangi á svæðinu.  Þessi atburður sem slíkur hefur ekkert með eldvirkni að gera né þann óróa og jarðskjálftahrinur sem átt hafa sér stað á svæðinu undanfarin ár.

Fréttir í fjölmiðlum um atburðinn:

RUV:  Mikið rof í jarðlögum við Öskju (http://ruv NULL.is/frett/mikid-rof-i-jardlogum-vid-oskju)

Visir.is: Flóðbylgjan náði inn í Víti (http://www NULL.visir NULL.is/flodbylgjan-nadi-inn-i-viti/article/2014140729648)

Mbl.is: Stór skriða féll í Öskjuvatn (http://www NULL.mbl NULL.is/frettir/innlent/2014/07/22/stor_skrida_fell_i_skjuvatn/)

Mbl.is: “Bráðabani” að fara niður að vatninu (http://www NULL.mbl NULL.is/frettir/innlent/2014/07/23/bradabani_ad_fara_nidur_ad_vatninu/)

Jarðskjálftahrina við Herðubreiðartögl

Upptök skjálfta við Herðubreiðartögl skammt norðaustur af Öskju.  Mynd frá vefsjá á vef Veðurstofu Íslands.

Upptök skjálfta við Herðubreiðartögl skammt norðaustur af Öskju. Mynd frá vefsjá á vef Veðurstofu Íslands.

 

Jarðskjálftahrina hófst við Herðubreiðartögl á laugardag og stendur enn nú þrem sólarhringum síðar en heldur virðist vera að draga úr henni.  Stærsti skjálftann mældist M 3,9 og varð hans vart í byggð.  Hafa yfir 500 skjálftar mælst á svæðinu undanfarna sólarhringa.

Hrinur sem þessar hafa verið algengar í norðurgosbeltinu undanfarinn áratug, bæði við Upptyppinga og Herðubreiðartögl.  Eru þær að hluta til taldar tengjast jarðskorpuhreyfingum í Öskjueldstöðinni.

Mjög vel hefur verið fylgst með þessu svæði en ljóst er að hrinurnar eru hluti af langtímaferli sem gæti stöðvast eða hægt á sér, eða orðið upphaf af rek- og gliðnunarhrinu líkt og átti sér stað við Kröflu frá 1975-1984.   Rétt er að taka fram að ekkert bendir þó til að slíkt sé yfirvofandi.

Allsnarpur jarðskjálfti norður af Öskju

(http://www NULL.eldgos NULL.is/wp-content/uploads/2012/05/askja_skjalfti14mai2012 NULL.jpg)Samkvæmt vef Veðurstofu Íslands (http://www NULL.vedur NULL.is/)varð jarðskjálfti af stærðinni 3,5 um 30 km. NNA af Öskju um kl. 12 45 í dag.  Skjálftinn er enn óyfirfarinn og kemur á vefnum fram sem tveir skjálftar en líklega er um einn atburð að ræða.  Enn er óljóst hvað um er að vera en smáskjálftahrinur hafa verið algengar á þessum slóðum undanfarin ár.  Upptökin eru fáeina kílómetra frá Herðubreið en hún er ekki virkt eldfjall.  Samkvæmt óróamælum er ekki um lágtíðniskjálfta að ræða en þeir fylgja kvikuhreyfingum neðanjarðar.

Myndin er fengin af vef Veðurstofu Íslands og sýnir upptök skjálftans sem græna stjörnu.

UPPFÆRT KL. 01 18 -  Hátt í 100 skjálftar hafa mælst í kvöld á svæðinu.  Flestir af stærðinni 1,5 -2.

Hitastig í Öskjuvatni eðlilegt – Ísleysið ekki eðlilegt

(http://www NULL.eldgos NULL.is/wp-content/uploads/2012/04/IMG_0362_2 NULL.jpg)Fyrstu niðurstöður á nýjum mælingum á hitatstigi Öskjuvatn sýna að hitinn er aðeins um 1 gráða sem er eðlilegt á þessum árstíma.  Hinsvegar er ekki eðlilegt að vatnið sé íslaust á þessum árstíma og því er það enn ráðgáta hvað veldur ísleysinu.  Frekari mælingar eru fyrirhugaðar, bæði hvort um landris er að ræða á svæðinu og á efnasamsetningu vatnsins.

Landrisið eitt og sér hefði þó tæplega þau áhrif að vatnið leggur ekki.  Ekki hefur verið óeðlileg skjálftavirkni á svæðinu.

Rúv – Loftmyndir af Öskjuvatni (http://ruv NULL.is/frett/loftmyndir-af-oskjuvatni)

UPPFÆRT 17/4

Bæði Haraldur Sigurðsson eldfjallafræðingur og Einar Sveinbjörnsson veðurfræðingur hafa tjáð sig um þetta mál á bloggsíðum sínum og telja að óvenjulegt tíðarfar valdi ísleysinu.  Færa þeir fyrir því sterk rök.

Haraldur Sigurðsson – Flettu vindar ísnum af Öskjuvatni ? (http://vulkan NULL.blog NULL.is/blog/vulkan/entry/1234583/)

Einar Sveinbjörnsson – Ísinn á Öskjuvatni – eðlilegar veðurfarsskýringar ? (http://esv NULL.blog NULL.is/blog/esv/entry/1234760/)

Íslaust Öskjuvatn vekur athygli

(http://www NULL.eldgos NULL.is/wp-content/uploads/2012/04/Askja1 NULL.jpg)það hefur vakið athygli jarðfræðinga nýlega að Öskjuvatn (Askja i Dyngjufjöllum) er íslaust sem undir venjulegum kringumstæðum gerist ekki á þessum árstíma.  Þrátt fyrir methita í mars þá er það mjög hæpin skýring enda öll önnur vötn á norðausturlandi ísilögð.  Mestar líkur verður að telja að aukin jarðhitavirkni i eldstöðinni valdi þessu.  Öskjuvatn er dýpsta stöðuvatn landsins, um 220 metra djúpt.  Af þeim sökum er vatnið afar rúmmálsmikið og því ljóst að mikinn hita þarf til að halda því íslausu á þessum árstíma.

Nokkur virkni hefur verið á svæðinu undanfarin ár, aukin jarðskjálftavirkni og einhver kvikutilfærsla á svæðinu umhverfis Upptyppinga en vafamál er þó hvort það tengist Öskjueldstöðinni með beinum hætti.  Ekki hefur verið tekin ákvörðun um hvort svæðið verður sérstaklega vaktað en fylgst verður með því.

Vegna legu eldstöðvarinnar þá telst hún ekki sérlega hættuleg enda órafjarri mannabyggðum og gos á þessum slóðum veldur ekki jökulhlaupi og gerir varla skaða á virkjanasvæðum.  En þrátt fyrir fjarlægðirnar þá olli stórgosið i Öskju 1875 (http://www NULL.eldgos NULL.is/storgos-eftir-landnam/askja-1875)gríðarlegu öskufalli og stórtjóni af völdum þess á Austurlandi.

Það getur gosið í öskjunni sjálfri eða í fjöllunum umhverfis hana.  Síðast gaus í kerfinu árið 1961.  Nokkrar jarðhræringar voru i aðdraganda gossins, jarðskjálftar og leirhverir opnuðust í svokölluðu Öskjuopi en þar gaus svo í október sama ár.

Mbl.is 4.apríl (http://mbl NULL.is/frettir/innlent/2012/04/04/fylgst_med_framvindu_mala_i_oskju/)

Ábending: fólk fari ekki inn að Öskju

Mbl.is greinir (http://mbl NULL.is/frettir/innlent/2012/04/04/folk_fari_ekki_ad_oskju/) frá því nú síðdegis að mælst er til þess að  fólk fari ekki inná svæðið umhverfis Öskju að óþörfu því mögulegt er að eitraðar gastegundir séu að leita upp.  Ekki er vitað hvaða atburðarás er í gangi á svæðinu.  Sérstaklega er varað við Öskjuvatni og  gígnum Víti sem er rétt við vatnið.

Þess má geta að árið 1986 fórust um 1700 manns í Afríkuríkinu Cameroon (http://www NULL.geology NULL.sdsu NULL.edu/how_volcanoes_work/Nyos NULL.html)þegar eitraðar gastegundir stigu frá botni Nyos stöðuvatnsins.  Voru það íbúar í nágrenni vatnsins.  Það var einmitt Íslenskur eldfjallafræðingur, Haraldur Sigurðsson, sem fyrstur manna áttaði sig á hvað var að gerast á þeim slóðum.  Á þessari stundu er ekkert sérstakt sem bendir til þess að eitraðar gastegundir séu endilega að stíga upp en allur er varinn góður meðan menn vita ekki hvað er að gerast þarna.

Jarðskjálfti skammt frá Öskju

(http://www NULL.eldgos NULL.is/wp-content/uploads/2011/10/askja1tv_sm NULL.jpg)Jarðskjálftahrina varð skammt frá Öskju í Ódáðahrauni síðastliðna nótt sem náði hámarki i skjálfta upp á 3,4 á Richter.  Líklegast er um stakan atburð að ræða sem boðar ekki frekari tíðindi.  Skjálftarnir urðu um 25 km. NV af Öskju.  Skjálftar á þessum stað eru ekki algengir en þó varð þarna hrina fyrir nokkrum árum.  Þessir skjálftar tengjast varla óróleikanum sem hefur verið við Upptyppinga undanfarin ár enda allangt frá.

mbl.is  3,4 stiga skjálfti við Öskju (http://www NULL.mbl NULL.is/frettir/innlent/2011/10/14/3_4_stiga_skjalfti_vid_oskju/)

Visir.is Jarðskjálftahrina á Öskjusvæðinu (http://visir NULL.is/jardskjalftahrina-a-oskjusvaedinu/article/2011111019442)

Ruv.is  Jarðskjálfti við Lokatind (http://www NULL.ruv NULL.is/frett/jardskjalfti-vid-lokatind)

Series of earthquakes occurred 25km NW of the Askja Volcano in Ódáðahraun last night and peaked in an earthquake of 3.4 on the Richter scale.  Most likely it is a single event case that invites no further news.  Earthquakes in this location are not common, but there was a swarm there a few years ago.

Færslusafn eftir mánuðum