Jarðskjáltar um víða veröld

  • Wed 01:51:12 (UTC) 3.5,SAN JUAN, - Details
  • Wed 01:18:18 (UTC) 3.2,SOUTHERN ALASKA - Details
  • Wed 01:17:13 (UTC) 3.4,- 2km NW of La Plaine, D.. - Details
  • Wed 01:13:03 (UTC) 4.1,GUERRERO, - Details
  • Wed 01:00:40 (UTC) 4.0,4.0 EAST OF GUADELOUPE,.. - Details
  • Wed 00:54:49 (UTC) 3.1,New Zealand - Details
  • Wed 00:44:38 (UTC) 3.3,New Zealand - Details
  • Wed 00:31:04 (UTC) 5.2,MAGALLANES, - Details
  • Wed 00:31:00 (UTC) 3.4,2 km al Sur de Cot, Orea.. - Details
  • Tue 23:45:07 (UTC) 3.3,SOUTHERN ALASKA - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Aðrar færslur

Við áramót: Tíðindalitlu ári að ljúka

Nú þegar árið 2012  er að baki er ekki úr vegi að fara lauslega yfir helstu atburði nýliðins árs hvað jarðrask varðar.  Ekkert eldgos varð á árinu og í heild var það fremur tíðindalítið á jarðfræðisviðinu.  Stærsti atburðurinn var tvímælalaust jarðskjálftahrinan í Eyjafjarðarál á haustmánuðum sem var kröftug og langvarandi en olli ekki teljanlegu tjóni.  Um tíma var óttast að hrinan kæmi af stað stórum skjálftum á Tjörnesbrotab (http://www NULL.eldgos NULL.is/wp-content/uploads/2013/01/Hekla NULL.jpg)eltinu en svo varð ekki.

Snarpir skjálftar í Bláfjöllum í lok ágúst ollu áhyggjum á höfuðborgarsvæðinu enda urðu þeir á svæði þar sem oft hefur gosið.  Hrinan hélst með hléum fram í október og er enn ein umbrotahrinan á Reykjanesskaganum sem segir okkur að þar gæti verið stutt í stóratburði.  Fyrr á árinu urðu nokkuð snarpir skjálftar við Krísuvík og í nágrenni Hafnarfjarðar.

Af öðrum eldstöðvum sem minntu á sig með skjálftum var að sjálfsögðu Katla með hefðbundna haustskjálfta en þó var eldstöðin rólegri en hún  hefur verið undanfarin ár.  Lengi hefur verið spáð og búist við gosi í Kötlu en hún ætlar enn að láta bíða eftir sér.

Af og til urðu skjálftar í og við Bárðarbungu eins og undanfarin ár án þess að það drægi til frekari tíðinda.

Hvað gerist árið 2013 ?

Það veit auðvitað enginn en að mati okkar eru þrjár eldstöðvar eða svæði hvað líklegust.  Það eru sem fyrr Katla enda hvíldin orðin óvenjulöng í eldstöðinni auk þess sem virkni undanfarinna ára bendir til þess að óðum styttist í gos.  Hekla er einnig líkleg hvenær sem er.  Þriðja svæðið er svo Reykjanesskaginn og þá helst í grennd við Krísuvík.  Síendurteknar jarðskjálftahrinur og landris á svæðinu bendir til þess að þar er kvika að safnast fyrir sem fyrr eða síðar finnur sér leið upp á yfirborðið.

Eldgos.is óskar lesendum gleðilegs árs.

Jarðfræðileg hugtök og orðskýringar

Nú hefur verið bætt við undirsíðu undir flipann “Ýmis fróðleikur” þar sem er að finna lista yfir jarðfræðileg hugtök og orðskýringar (http://www NULL.eldgos NULL.is/ymis-frodleikur/ordskyringar-hugtok/).  Við höfum fengið ábendingar um að slíkan lista vantaði á síðuna enda mörg hugtök og orð sem notuð eru á síðunni sem ekki allir eru kunnugir.  Hér með er bætt úr því en bætt verður við þennan lista eftir þörfum.

Ofureldfjöll – Yellowstone

Á næstunni ætlum við að bæta við efni um svokölluð ofureldfjöll (Super volcanoes) en þau eru talin vera 4-5 á jörðinni, ekkert þó á Íslandi til allrar hamingju.  Ofureldfjall er eldfjall sem getur framleitt yfir 1000 rúmkílómetra af gosefnum í einu eldgosi.  Til samanburðar komu upp um 19-20 rúmkílómetrar í Eldgjárgosinu  árið 934 sem er mesta gos Íslandssögunnar.   Eins og gefur að skilja hefði stórgos í ofureldfjalli mikil áhrif um allan heim og gæti jafnvel leitt til endaloka núverandi siðmenningar á jörðinni.  Á Youtube má finna mikið af góðu efni um ofureldfjöll og hér er vandaður þáttur úr smiðju BBC um ofureldstöðina Yellowstone í Bandaríkjunum.

 

Uppfærsla

Nú er unnið af uppfærslu síðunnar.  Reynt verður að forðast að taka hana niður en það gæti þó verið óhjákvæmilegt í einhverjar klukkustundir næstu daga.

Að þessu sinni er um nokkra útlitsupplyftingu að ræða.  “Content” svæðið er stækkað til að nýta betur pláss en einnig til að síðan njóti sín betur á stærri skjám.  Síðuhausinn er uppfærður með nýjum myndum og litum á síðunni breytt eitthvað.

Fljótlega fara að birtast greinar um erlent efni og ýmis fróðleikur um jarðfræði.   Allar hugmyndir um viðbætur eða efnistök eru sem fyrr vel þegnar:)

Jarðskjálfti við Ingólfsfjall

(http://www NULL.eldgos NULL.is/wp-content/uploads/2012/07/ingolfsfjall NULL.jpg)Nokkuð snarpur jarðkjálfti að stærð 3,1 varð i Ingólfsfjalli skömmu eftir hádegi í dag.  Fannst hann vel í nágrenninu ss. í Hveragerði og á Selfossi.  Nokkur skjálftavirkni hefur verið á þessum slóðum undanfarnar vikur en þetta er stærsti skjálftinn hingað til.  Ingólfsfjall er um 550 metra hátt móbergsfjall og ekki virkt eldfjall.  Þau eldstöðvakerfi sem eru næst fjallinu eru Hengillinn í vestri og Grímsneseldstöðin í austri.

Þetta eru hinsvegar nær örugglega hefðbundnir brotaskjálftar.  Þess má geta að suðurlandsskjálftinn 2008 sem mældist 6,3 á Richter átti upptök sin undir Ingólfsfjalli.

Breytingar á eldgos.is – Erlent efni

Nú munu fara að birtast á eldgos.is fréttir af erlendum atburðum þ.e. jarðskjálftum og eldgosum þegar um meiriháttar atburði er að ræða.  Leitast verður við að útskýra orsakir atburðanna.  Að auki er fyrirhugað að setja inn greinar um ofureldstöðvar (supervolcanos) og stærstu eldgosum sögunnar gerð skil.

Færslusafn eftir mánuðum