Öflugir skjálftar við Krísuvík – Fundust víða

(http://www NULL.eldgos NULL.is/wp-content/uploads/2011/02/skjalftar_reykjanes27feb NULL.jpg)Skjálftahrinan sem gengið hefur yfir við Krísuvík og á Sveifluhálsi undanfarna daga færðist mjög i aukana í morgun með amk. þrem skjálftum vel yfir 3 á Richter, sá sterkasti 3,7 og fannst vel á höfuðborgarsvæðinu.  Þetta er í raun framhald af hrinu sem segja má að hafi verið í gangi í tvö ár og gengur í lotum.   Sjá umfjöllun hér (http://www NULL.eldgos NULL.is/page/2).     Þá bendum við á umfjöllun um eldstöðvar á Reykjanesskaga hér (http://www NULL.eldgos NULL.is/reykjanesskagi).

Skjálftar á þessu svæði eru mjög algengir og þurfa ekki að boða nein frekari tíðindi.   Hinsvegar hefur átt sér stað landris á svæðinu undanfarin ár sem ekki hefur verið fyllilega útskýrt.  Eldgos hafa orðið á þessu svæði síðan land byggðist og ganga yfir i hrinum.  Síðast gekk hrina eldgosa yfir á Reykjanesskaga á 12. og 13. öld.   en einnig eru heimildir um gos á 15. öld.   Mun styttra er síðan gosið hefur í sjó skammt undan Reykjanesi, eða á 19. öld.

Svæðið sem nú skelfur tilheyrir Trölladyngjukerfinu.  Árin 1150-1151 urðu allmikil eldsumbrot á þessu svæði og opnuðust nokkrar gossprungur.

Meðfylgjandi mynd er fengin af vef Veðurstofu Íslands (http://vedur NULL.is/skjalftar-og-eldgos/jardskjalftar/reykjanesskagi/#view=map) og sýnir jarðskjálfta síðustu 48 stundir, þeir nýjustu eru rauðir, þeir stærstu eru grænar stjörnur.

UPPFÆRT: Annar stór skjálfti varð kl. 17.27 í dag.  Upptökin á svipuðum stað og fyrri skjálftar eða tæpa 5 km. NNA af Krísuvík.  Mikilll fjöldi smærri eftirskjálfta hafa fylgt í kjölfarið.

Athugasemdir