Jarðskjáltar um víða veröld

  • Tue 04:18:51 (UTC) 3.2,New Zealand - Details
  • Tue 04:18:50 (UTC) 4.1,New Zealand - Details
  • Tue 04:09:42 (UTC) 4.1,Guerrero, - Details
  • Tue 04:06:07 (UTC) 4.6,New Zealand - Details
  • Tue 03:24:55 (UTC) 3.3,51 km of Bandar khamir, .. - Details
  • Tue 03:13:51 (UTC) 3.1, - Details
  • Tue 02:48:28 (UTC) 4.8,Minahassa Peninsula, Sul.. - Details
  • Tue 02:40:02 (UTC) 3.3,5km NE of New Idria, CA .. - Details
  • Tue 02:38:43 (UTC) 3.9,Sulawesi, - Details
  • Tue 02:13:52 (UTC) 4.0,1km ENE of El Centro, CA.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Öflug og þrálát jarðskjálftahrina við Kópasker

Upptök skjálfta nærri Kópaskeri síðustu sólarhringa

Upptök skjálfta nærri Kópaskeri síðustu sólarhringa.  Myndin er fengin af vef Veðurstofu Íslands.

Jarðskjálftahrina sem hefur verið í gangi síðustu sólarhringa skammt Suðvestur af Kópaskeri hefur færst í aukana síðasta sólarhringinn.  Hátt í 1000 skjálftar hafa mælst í hrinunni og þeir stærstu um og yfir M 4.  Skjálftarnir finnast vel á Kópaskeri og í nágrenni.  Skjálftasvæðið tilheyrir Tjörnesbrotabeltinu þar sem skjálftar eru algengir og í sjálfu sér ekkert óvanalegt við hrinuna.  Hinsvegar þarf að hafa í huga að á þessu svæði geta orðið mjög stórir skjálftar samanber Kópaskersskjálftann árið 1976 sem mældist rúmlega M 6.  Sá skjálfti tengdist gos- og rekhrinu á Kröflusvæðinu en nú er ekkert slíkt í gangi en samt aldrei hægt að útiloka stóran skjálfta.

Hrinan sem nú er í gangi hefur verið öflug og síður en svo að draga úr henni þegar þetta er skrifað.

Athugasemdir

Skjálftar við Surtsey

Upptök sjálftanna við Surtsey.  Myndin er fengin af vef Veðurstofu Íslands.

Upptök sjálftanna við Surtsey. Myndin er fengin af vef Veðurstofu Íslands.

Í nótt mældist skjálfti rétt norður af Surtsey M 3,4.  Ekki er vitað til þess að skjálftinn hafi fundist í Eyjum né annarsstaðar.  Þrír eftirskjálftar hafa mælst á bilinu 1-1,5.  Af og til mælast smáskjálftar á þessum slóðum en  þetta er stærsti skjálftinn  í 27 ár eða frá 1992.

Annað sem vekur athygli er að skjálftarnir eru djúpir, á 12-15 km dýpi en oftar en ekki benda skjálftar á svo miklu dýpi til kvikuhreyfinga.  Það er þó ekkert ennþá sem bendir til þess að meiri atburðir séu í aðsigi.

Athugasemdir

Snarpur jarðskjálfti á Hellisheiði

Upptök jarðskjálfta á Hellisheiði.  Myndin er fengin af jarðskjálftavefsjá Veðurstofu Íslands.

Upptök jarðskjálfta á Hellisheiði. Myndin er fengin af jarðskjálftavefsjá Veðurstofu Íslands.

Rétt fyrir kl.3 í nótt vöknuðu margir íbúar á suðvesturhorni landsins við jarðskjálfta.  Greina mátti drunur á undan skjálftanum og svo titring sem stóð yfir í fáeinar sekúndur.   Skjálftinn átti upptök sunnarlega á Hellisheiði, rúma 3 km vsv af Skálafelli og mældist M 4,4 af stærð.

Skjálftinn hefur væntanlega verið harðastur í Hveragerði, Selfossi, Ölfusi og byggðarlögum suður með sjó, t.d. Þorlákshöfn. Um 25 eftirskjálftar hafa mælst 10 klst. síðar en allir litlir.

Þetta er brotaskjálfti á flekaskilum og þó hann eigi upptök á mjög eldbrunnu svæði þá bendir ekkert til annars en að um stakan brotaskjálfta sé að ræða.

Þetta er jafnframt við vestari endann á Suðurlandsskjálftasvæðinu.   Í skjálftunum árin 2000 og 2008 vantaði í raun stóran skjálfta á þessu svæði til að “klára” ferlið.  Þetta er þó klárlega ekki sá skjálfti, til þess hefði hann þurft að vera mun stærri.  Hvort að sá skjálfti komi yfirhöfuð fyrr en í næstu Suðurlandsskjálftahrinu er erfitt að segja til um.

Athugasemdir

Skjálfti suður af Bláfjöllum fannst á höfuðborgarsvæðinu

Myndin er fengin af vef Veðurstofu Íslands og sýnir upptök jarðskjálftanna í kvöld.

Myndin er fengin af vef Veðurstofu Íslands og sýnir upptök jarðskjálftanna í kvöld.

 

Kl. 20:17 í Kvöld fannst skjálfti M 4,1 á höfuðborgarsvæðinu og eru upptökin um 6km suður af Bláfjallaskála.  Skjálftinn hefur væntanlega fundist í Hveragerði, Selfossi og suður með sjó.  Nokkuð margir smáskjálftar hafa mælst eftir stóra skjálftann en flestir undir M 1.

Skjálftar á þessu svæði koma ekkert sérstaklega á óvart, eru algengir án þess að þeir boði nokkuð meira.  Síðast varð á þessum slóðum stór skjálfti um M 5,0 17.Júní árið 2000, sama dag og stóri Suðurlandsskjálftinn reið yfir og var í raun hluti af þeirri hrinu.

Þarna hefur ekki orðið eldgos í um 1000 ár.  Þegar goshrinur ganga yfir Reykjanesskaga þá hefjast þær yfirleitt austast á skaganum (í grennd við Bláfjöll) og færast svo í vesturátt.  Síðasta goshrina hófst þarna um árið 1000 (Kristnitökuhraunið) og lauk um árið 1240 með gosum vestast á skaganum.

Athugasemdir

Heimsókn í steinasafnið Ljósbrá í Hveragerði

Eldgos.is heimsótti á dögunum steinasafnið Ljósbrá í Hveragerði.  Það er staðsett í húsnæði N1 bensínstöðvarinnar þegar komið er inn í bæinn.   Hér er um að ræða eitt stærsta steinasafn í einkaeigu á Íslandi og má finna þar langflestar steindir sem finnast á landinu auk fróðlegra jarðfræðilegra útskýringa.  Mælum við eindregið með heimsókn í Ljósbrá fyrir áhugafólk um jarðfræði og ekki skemmir fyrir að aðgangur er ókeypis.

Íslensk náttúra er ríkari af merkilegum steindum en marga grunar þrátt fyrir ungan aldur landsins í jarðfræðilegum skilningi.

Það er Hafsteinn Þór Auðunsson sem rekur safnið ásamt fjölskyldu sinni en steinum sem finna má á safninu hefur verið safnað síðan um árið 1960.  Þá er einnig mjög áhugavert handverk að finna á safninu.

Safnið er opið frá 9 – 17 á virkum dögum og 10-17 um helgar.  Vefsíða safnsins:  mineralsoficeland.com (https://www NULL.mineralsoficeland NULL.com/)

Athugasemdir

Snarpir skjálftar við Grímsey

Upptök skjálfta nærri Grímsey síðustu sólarhringa. Myndin er fengin af vef Veðurstofu Íslands.

Upptök skjálfta nærri Grímsey síðustu sólarhringa. Myndin er fengin af vef Veðurstofu Íslands.

Jarðskjálftahrinan sem hófst í lok janúar NA af Grímsey hefur færst mikið í aukana síðastliðinn sólarhring.  Skjálftarnir eru margir og þéttir.  Stærsti skjálftinn mældis M 4,1.  Jarðfræðingar útiloka ekki frekari tíðindi en þá er verið að tala um stóran jarðskjálfta frekar en eldgos sem eru fátíð á þessum slóðum.

Tjörnesbrotabeltið er hinsvegar fært um að framkalla jarðskjálfta allt að stærð M 7 og er orðið all langt síðan slíkur skjálfti hefur orðið.  Það sem einkennir oft hrinur á þessum slóðum er að þær geta verið nokkuð langvarandi og færast gjarnan í aukana eftir því sem líður á þær. Það er einmitt tilfellið með hrinuna núna.

Þetta svæði er sniðreksbelti sem tilheyrir Tjörnesbeltinu.  Þá er einnig vitað um jarðhitavirkni á þessu svæði þannig að talsverð umbrot eru viðvarandi á þessum slóðum.

UPPFÆRT 19.FEBRÚAR

Mikill kraftur hljóp í jarðskjálftahrinuna snemma að morgni 19.febrúar.  Hafa vel á annað þúsund skjálfta mælst síðustu sólarhringa og stærsti skjálftinn mældinst M 5,2.  Er þetta orðin öflugasta jarðskjálftahrina á Grímseyjarsvæðinu í 30 ár.

Mælingar benda ekki til kvikuhreyfinga. Þessir skjálftar tengjast flekahreyfingum.

Athugasemdir

Færslusafn eftir mánuðum