Jarðskjáltar um víða veröld
  • Mon 05:00:53 (UTC) 3.4,Esmeralda County, 39 mil.. - Details
  • Mon 04:33:54 (UTC) 4.2,North Pacific Ocean, 15 .. - Details
  • Mon 04:28:07 (UTC) 3.6,30 km SE of Usulutan, El.. - Details
  • Mon 04:28:04 (UTC) 3.6,North Pacific Ocean, 122.. - Details
  • Mon 04:23:14 (UTC) 4.3,Aegean Sea, 53 km NNE of.. - Details
  • Mon 04:11:17 (UTC) 3.7,30 km SSE of Mamuju, Wes.. - Details
  • Mon 04:04:21 (UTC) 4.5,North Pacific Ocean, 61 .. - Details
  • Mon 03:55:18 (UTC) 3.7,Caribbean Sea, 71 km NNE.. - Details
  • Mon 03:53:23 (UTC) 3.1,SE ROMMANI.MAC, Morocco - Details
  • Mon 03:19:32 (UTC) 3.2,Caribbean Sea, 12 km S o.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Enn ein skjálftahrinan við Kistufell

(http://vedur NULL.is/skjalftar-og-eldgos/jardskjalftar/vatnajokull/#view=map)Undanfarið hefur verið heldur órólegt í Bárðarbungukerfinu í Vatnajökli og þá helst i kringum Kistufell sem er um 25 km. norðaustur af hásléttu (öskju) Bárðarbungu.  Aðfaranótt sunnudags mældust tveir skjálftar yfir 3 á richter og fjölmargir smærri.  Flestir skjálftarnir eru á talsverðu dýpi, um 7-10 km, og ekkert sem bendir til þess að kvika sé í þann veginn að brjótast upp á yfirborðið.   Sem fyrr er svæðið þó mjög virkt og líkur á að fyrr en síðar gjósi í Bárðarbungukerfinu.  Síðasta goshrina á þessum slóðum varð á árunum 1862-4.

Gos í Bárðarbungukerfinu geta þróast með þrennum hætti:  Í fyrsta lagi gos í eða við öskjuna sjálfa í jöklinum.  Vitað er að árið 1477 varð allstórt gos af þessu tagi.    Í öðru lagi geta orðið kvikuhlaup til suðvesturs og virðist þetta gerast á um 5-800 ára fresti.  Síðast varð slikur atburður árið 1480, Veiðivatnagosið.  Er því lýst hér. (http://www NULL.eldgos NULL.is/storgos-eftir-landnam/bar%C3%B0arbunga-vei%C3%B0ivotn-1480) Það er athyglisvert að þetta mikla gos á sér stað aðeins fáum árum eftir mikið gos í jöklinum.   Kvikuhlaup til suðvesturs með allstóru gosi á jökullausu svæði varð einnig i kringum árið 870 og myndaði Landnámslagið svokallaða sem er tvílitt öskulag enda gaus á sama tima í Torfajökulskerfinu.  Það gerðist reyndar einnig árið 1480.    Í þriðja lagi verða gos norðaustur af Bárðarbungu, í eða norðan Kistufells og jafnvel á jökullausu svæði þar norður af.  Slíkt gerðist síðast á árunu 1862-4 eins og áður sagði.  Þetta eru hættuminnstu gosin í Bárðarbungusvæðinu enda víðsfjarri mannabyggðum og komi gos upp á jökullausu svæði veldur það engu tjóni.   Það gildir auðvitað allt annað um stórgos i jöklinum sjálfum, þar kemur bæði til öskufall og flóðahætta.

Myndin er fengin af vef Veðurstofu Íslands og sýnir skjálfta í Vatnajökli undanfarna sólarhringa.

Athugasemdir

Skildu eftir svar

Netfang þitt verður ekki birt.

Færslusafn eftir mánuðum