Jarðskjáltar um víða veröld

  • Sun 16:04:37 (UTC) 3.0,- 71km WNW of Talkeetna,.. - Details
  • Sun 15:53:22 (UTC) 4.7,- 64km NNE of Tobelo, - Details
  • Sun 15:49:43 (UTC) 3.6,NORTHERN - Details
  • Sun 14:32:00 (UTC) 5.1,036 km N 12? E of Bu.. - Details
  • Sun 14:25:18 (UTC) 5.0,W. Caroline Islands, Mic.. - Details
  • Sun 14:06:59 (UTC) 4.9,- 144km NNE of Bristol I.. - Details
  • Sun 13:39:35 (UTC) 3.6,OFF COAST OF - Details
  • Sun 12:57:14 (UTC) 4.2,OFF COAST OF OAXACA, - Details
  • Sun 12:12:59 (UTC) 4.7,SOUTHERN SUMATRA, - Details
  • Sun 11:42:17 (UTC) 4.6,- 72km E of Nikol'skoye,.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Langjökull

Skjálftahrina í Skjaldbreið

Skjaldbreiður séður frá Þingvöllum Mynd  Óskar Haraldsson

Skjaldbreiður séður frá Þingvöllum
Mynd Óskar Haraldsson

Allmargir jarðskjálftar mældust í Skjaldbreið í gærkvöldi og í nótt.  Sá stærsti M 3,7 og tveir aðrir yfir M 3.   Heldur dró úr virkninni með morgninum en hún gæti vel tekið sig upp aftur.  Skjaldbreið er innan sprungusveims Langjökulskerfisins og það er algengt að í því kerfi verði hrinur, jafnvel nokkuð öflugar.  Þær hrinur eru þó oftast vestan til í kerfinu, i grennd við Eiríksjökul eða Þórisjökul.

Skjaldbreiður er um 9000 ára gömul hraundyngja og mjög líklega mynduð i einu löngu gosi sem jafnvel hefur mallað í áratug.  Skjaldbreiður er því ekki sjálfstætt eldfjall eða eldstöðvakerfi.  Dyngjugosin voru um margt sérstök, þau virtust geta komið upp hvar sem er innan eldstöðvakerfanna og kvikan kom mjög djúpt að, úr möttlinum.  Slík eldgos eru afar sjaldgæf í dag og hafa í raun ekki orðið á Íslandi í nokkur þúsund ár.  Ástæða dyngjugosanna var bráðnun ísaldarjökulsins, landið lyftist tiltölulega hratt, miklar þrýstingsbreytingar fylgdu því og eldgosavirkni var allt að þrítugföld miðað við það sem nú er.

Það verður því að telja afar ólíklegt að Skjaldbreiður sé að fara að gjósa , líklega eru þetta dæmigerðir brotaskjálftar í grennd við flekaskil.  Langjökulskerfið sem heild er þó síður en svo dautt úr öllum æðum, það er mikil jarðskjálftavirkni í því en gosvirkni hinsvegar mjög lítili.  Aðeins eitt gos frá landnámi , er Hallmundarhraun rann um árið 900.  Það var reyndar mikið gos og hraunið rann um 50 km leið til byggða við Hvítársíðu.  Þetta hraun myndar t.d. landslagið í Kringum Hraunfossa nærri Húsafelli.

Skjálftar við Langjökul

Jarðskjálftahrina hófst við suðvesturenda Langjökuls í morgun.  Um 20 skjálftar höfðu mælst um hádegið, sá stærsti M 3,1 og fannst

Upptök skjálftanna við Langjökul. Myndin er fengin af vef veðurstofu Íslands.

Upptök skjálftanna við Langjökul. Myndin er fengin af vef veðurstofu Íslands.

vel.  Ferðaþjónustufyrirtæki eru með starfsemi á þessum slóðum og fann fólk á þeirra vegum fyrir stærstu skjálftunum.  Líklegt er að þeir hafi einnig fundist í Húsafelli sem er ekki langt frá, eða um 12-13 km.

Skjálftarnir eru flestir fremur grunnir á 2-5 km dýpi.  Algengt er að skjálftahrinur verði við Langjökul, einkum við vesturbrún hans.  Tvö eldstöðvakerfi eru talin vera í jöklinum, annað norðantil í honum og hitt sunnantil.  Þessir skjálftar eru í útjaðri þess kerfis.  Hrina varð á svipuðum slóðum í júní 2011 en þó heldur sunnar.

Ekki hefur gosið í eldstöðvakerfum Langjökuls síðan árið 900 þegar Hallmundarhraun rann alla leið til byggða í Hvítársíðu um 50 km leið frá norðvesturbrún Langjökuls.  Öfugt við litla gosvirkni er jarðskjálftavirknin allmikil við jökulinn.

Skjálftar við rætur Langjökuls

(http://www NULL.eldgos NULL.is/wp-content/uploads/2013/03/langj_29mar2013 NULL.jpg)Um hádegið í dag hófst jarðskjálftahrina á litlu svæði um 5km. undan suðausturhorni Langjökuls.  Hafa á annan tug skjálfta mælst, sá stærsti um 3,5 og hefur heldur gefið í hrinuna undir kvöld.  Þetta eru að öllum líkindum hefðbundnir brotaskjálftar sem tengjast brotabeltinu á milli Langjökuls og Þingvalla.   Jarðskjálftar eru mjög algengir við Langjökul án þess að þeir boði nokkuð meira en þeir eru þó meira við vesturhluta jökulsins heldur en á þessu svæði sem er þó einnig vel virkt.

Myndin sýnir upptök skjálftanna og er fengin af vef Veðurstofu Íslands. (http://www NULL.vedur NULL.is/)

Sjá umfjöllun á eldgos.is um Langjökul hér (http://www NULL.eldgos NULL.is/langjokull/)

Umfjallanir fréttamiðla um skjálftana við Langjökul:

Ruv.is:  Jarðskjálftar tengjast gamla brotabeltinu (http://www NULL.ruv NULL.is/frett/jardskjalftar-tengjast-gamla-brotabeltinu)

Visir.is: Ekki talið að skjálftarnir séu undanfari eldgoss (http://www NULL.visir NULL.is/ekki-talid-ad-skjalftarnir-seu-undanfari-eldgoss-/article/2013130328999)

Mbl.is:  Jörð skalf við Jarlhettur (http://www NULL.mbl NULL.is/frettir/innlent/2013/03/29/jord_skalf_vid_jarlhettur/)

Skjálftahrina á ný í Langjökli

Skjálftahrina hófst í Langjökli laust eftir miðnætti s.l. nótt og stendur enn.  Stærsti skjálftinn mældist 3,2 á Richter samkvæmt sjálfvirkum mælingum veðurstofunnar.  Flestir skálftarnir eru á 6-13 km. dýpi.  Þessi hrina er nánast á sama stað og hrinan sem varð þann 7. júní.  Jarðskjálftar eru algengir í suðvestur- horni Langjökuls og geta orið nokkuð öflugir.  Ekkert bendir til þess að skjálftarnir séu undanfari eldgoss.

Skjálftahrina í Langjökli

(http://www NULL.eldgos NULL.is/wp-content/uploads/2011/06/langj_7jun11 NULL.jpg)Um 20 skjálftar hafa mælst í suðvestur- horni Langjökuls í morgun, flestir á bilinu 1-2 á Richter en þeir stærstu um 2.6 samkvæmt vef Veðurstofu Íslands (http://www NULL.vedur NULL.is/skjalftar-og-eldgos/jardskjalftar/langjokull/#view=map).  Síðast varð svipuð hrina um miðjan febrúar á sömu slóðum en nokkur óróleiki hefur verið í Langjökulskerfinu undanfarin misseri.  það þarf þó ekkert að vera óvanalegt því skjálftahrinur eru algengar á þessum slóðum.  Eldgos hefur ekki orðið á þessum slóðum síðan um árið 900 þegar Hallmundarhraun rann.  Meðfylgjandi mynd sem sýnir upptök skjálftanna í morgun er fengin af vef Veðurstofu Íslands.

Skjálftahrina í Langjökli

Kortið sýnir upptakasvæðið - merkt með rauðu.Um 10 leitið í morgun hófst nokkuð öflug skjálftahrina í suðvestur- horni Langjökuls eða að því er virðist á milli Langjökuls og Þórisjökuls.  Samkvæmt vef Veðurstofunnar (http://vedur NULL.is/skjalftar-og-eldgos/jardskjalftar/langjokull/) eru stærstu skjálftarnir hingað til 3,6 og 3,4 á Richter en þetta eru óyfirfarnar niðurstöður enn sem komið er.  Fyrsta klukkutimann mældust  nokkrir tugir skjálfta, flestir um 1,5 – 2,5 á Richter.

Skjálftahrinur í Langjökli eru nokkuð algengar en ekki hefur gosið í þessu eldstöðvakerfi síðan um árið 900.  Ekkert bendir enn sem komið er til þess að það sé eitthvað að breytast.

Færslusafn eftir mánuðum