Jarðskjáltar um víða veröld

  • Sun 16:04:37 (UTC) 3.0,- 71km WNW of Talkeetna,.. - Details
  • Sun 15:53:22 (UTC) 4.7,- 64km NNE of Tobelo, - Details
  • Sun 15:49:43 (UTC) 3.6,NORTHERN - Details
  • Sun 14:32:00 (UTC) 5.1,036 km N 12? E of Bu.. - Details
  • Sun 14:25:18 (UTC) 5.0,W. Caroline Islands, Mic.. - Details
  • Sun 14:06:59 (UTC) 4.9,- 144km NNE of Bristol I.. - Details
  • Sun 13:39:35 (UTC) 3.6,OFF COAST OF - Details
  • Sun 12:57:14 (UTC) 4.2,OFF COAST OF OAXACA, - Details
  • Sun 12:12:59 (UTC) 4.7,SOUTHERN SUMATRA, - Details
  • Sun 11:42:17 (UTC) 4.6,- 72km E of Nikol'skoye,.. - Details
(http://www NULL.chess NULL.com?ref_id=4222785)
Free online chess games! (http://www NULL.chess NULL.com/)

Vatnaöldur 870

.

Eldgos

.

Í þann mund sem fyrstu landnámsmennirnir settust hér að , þá var nýlokið eða um það bil að ljúka  stórgosi að fjallabaki, nánar tiltekið þar sem nú heita Vatnaöldur.  Opnaðist þar amk. 10 km löng sprunga sem spítti útúr sér 3,3 km3 af gjósku auk lítilræðis af hrauni. Í þessu gosi myndaðist hið svokallaða “landnámslag” sem er tvílitt gjóskulag ættað úr þessu gosi og gosi sem varð samtímis í Torfajökulskerfinu.  Það virðist reyndar alloft hafa átt sér stað þ.e. að stórgosi á Veiðivatnasvæðinu fylgi umbrot í Torfajökulskerfinu.   Öskufall varð töluvert um allt land nema á Vestfjörðum og hefur áreiðanlega víða valdið skemmdum á grónu landi.

Ástæða þess að gjóskufall varð mjög mikið en hraunrennsli fremur lítið í gosinu er sú að í jarðlögum á þessu svæði hefur verið og er enn mikið grunnvatn og kvikan tættist viðað komast í snertingu við það.  þarna eru í dag fjölmörg stöðuvötn.  Ekki er ljóst nákvæmlega hvernig landslagi þarna var háttað fyrir þetta gos en ljóst að það  breytti mjög landslagi á þessum slóðum líkt og gerðist svo rúmum 600 árum síðar þegar aftur varð mikið sprungugos á Veiðivatnasvæðinu.

Ekki er ljóst nákvæmlega hvenær þetta  gos hófst en það hefur verið mjög nálægt árinu 870.  Það gæti hafa verið fyrsta eldgosið sem landnámsmenn urðu vitni að hafi því ekki verið lokið þegar þeir fyrstu komu til landsins.

Landnámslagið hefur reynst sérlega vel hvað varðar tímasetningu annarra jarðfræðilegra atburða og hefur einnig komið sér vel fyrir fornleifafræðinga.  Ástæðan þess er að það er fremur auðgreinanlegt í jarðlagastaflanum og gjóskan barst eins og áður segir mjög víða.

Vatnaöldugosið tilheyrir Bárðarbungueldstöðinni í Vatnajökli, þó hún sé alllangt frá.  (sjá umfjöllun um Bárðarbungu).

Færslusafn eftir mánuðum