Óvenjusnörp jarðskjálftahrina varð í Mýrdalsjökli í nótt. Mældust hátt í 70 skjálftar, þar af um 20 yfir 2 á Richter og 2-3 um 3 á Richter. Upptökin eru í öskjunni norð-austanmegin. Þetta er snarpasta hrinan frá því óróleikinn hófst í Kötlu í sumar. Það fylgdi þó enginn gos- eða hlaupórói.
Skjálftarnir eru flestir grunnir sem er í sjálfu sér góðs viti þ.e. ekkert bendir til þess að kvika sé að brjóta sér leið upp á yfirborðið enn sem komið er allavega. Myndin er af vef Veðurstofu Íslands og sýnir upptök skjálftanna í nótt.
mbl.is um 20 skjálftar yfir 2 stig
DV – snarpir skjálftar í Mýrdalsjökli