Snarpur skjálfti og mikill fjöldi eftirskjálfta við Reykjanestá

Birta á :
Upptök jarðskjálfta við Reykjanestá.  Myndin er fengin af vef Veðurstofu Íslands.
Upptök jarðskjálfta við Reykjanestá. Myndin er fengin af vef Veðurstofu Íslands.

Uppúr miðnætti hófst jarðskjálftahrina við Reykjanestá.  Mikill fjöldi skjálfta hefur mælst.  Til að byrja með voru þeir flestir smáir, um 1-2 af stærð en kl. 7.32 í morgun varð skjálfti af stærðinni 4,8 sem fannst víða um Suðvestanvert landið.  Er þetta með stærri skjálftum sem mælst hafa á Reykjanesskaga undanfarin ár.  Fjölmargir eftirskjálftar hafa mælst og hrinan enn í fullum gangi þó eitthvað hafi dregið úr henni.

Þrátt fyrir að þetta sé mjög eldbrunnið svæði þá er ekkert sem bendir til annars en að þetta séu hefðbundnir brotaskjálftar á flekaskilum.  Skjálftahrinur á Reykjanesskaganum geta verið þrálátar og má þvi ætla að þarna skjálfi eitthvað áfram og ekki hægt að útiloka fleiri skjálfta á bilinu 4-5 af stærð.  Flestir skjálftarnir eru á um 4-6 km. dýpi.

 

Fréttir af skjálftunum:

Mbl.is:  Jörð skelfur við Reykjanestá

Ruv.is:  Skjálfti af stærð 4,8 fannst víða

.

.

.

.

.

 

Við Reykjanestá
Við Reykjanestá. Þarna gaus síðast á 13. öld, líklegast árið 1226.

 

Leave a Comment

Netfang þitt verður ekki birt.

Scroll to Top